කියවූ තරම්

Wednesday, September 7, 2022


මේ සුපින්වත් යුවල අපේ කාලේ ගාලු ටවුම අවට ...

ඒ කියුවෙ අයිස්මෝල හන්දිය චීනකොරටුව මිනුවන්ගොඩ
වලව්වත්ත ඔරොප්පුවත්ත වැලිවත්ත
පෙට්ටිගලවත්ත  මහවීදිය කළුවැල්ල
මෙකී නොකී ගම්වල හැදිච්ච  එකෙකුට
අමතක නොවනා යුවලක් ...

මොකාට අමතක වූවත් මගේ පපු කැනැත්තෙ
මේ දෙපොලට ඇත්තෙ විශේෂිතම ස්ථානයක් ...

මම හිච්චි එකා කාලෙ ඔය මහත්තයම
කීපාරක් මාව බේරගෙන තියෙනවද ...

කැස්ස හෙම්බිරිසාවෙ සිට කැපුම් කෙටුම් තැලීම් සීරීම්
කැඩුම් බිඳුම් සරම්ප ගස්ලබු උණසන්නිපාතෙ දක්වා ...

මමත් හරි තැන්පත් තිබ්බ තැන තැම්බ වගෙ හිටිය එකානෙ
අවුරුදු හයේදි තමයි මං මුලින්ම ඉස්පිරිතාලෙ හිටියෙ ගලක් උඩ වැටිල නහය කඩාගෙන
තවමත් ඒ කැළල ලාවට නහයෙ ...

මමම විතරක් නෙවි
පෙර නම් සඳහන් කල ගම් වලින් තුන්කාලකටත් වඩා  
මේ දෙවිය එදා රැක ගෙන ඇති ...

මගෙ මතකෙ ඇඳෙන රුව අනුව
සැමදා පාන්දර ක්ලීන් සූට් එක දාගෙන නලාව
බෙල්ල වටේ මාලයක්‍ වගෙ දාගෙන
පයින්ම කඩිසර ගමනින් ඩිස්පැන්සරියට යන
මේ දොස්තර මහත්‍තයගෙ සීදේවී හිනාව
ඒ කාලෙ නොදුටු දවසක් නෑ ...

උදේ අටේ ඉඳල හවස හත අට වෙනකං
එතුමගෙ කිරිසුදු දත් තිස්දෙකට මැදිවෙල හැපෙන
වැල්මී නට්ට එතුමා ජන්මෙන්ම ගෙනා පුරුද්දක් ...

ගම්වල ඒකාලෙ හැදුන අපිට එතුමගෙ පිහිට විතරමයි තිබුනෙ ...

අනෙක් දෙවිය
පිං බෙහෙත් ශාලාවෙ වෙද මහත්තය ...

පිං බෙහෙත් ශාලාවෙ බෙහෙත් වලට සල්ලි ගත්තෙ නෑ
ඒකයි ඒ නම ...

ඉතිං ගමේදි ලෙඩ වෙච්‍චි එකාට
කසාය තෙල්බේත් ඕනෙ නං පිං බෙහෙත්‍ ශලාව ...

බේහෙත්‍ කුඩුයි බෙහෙත්‍ වතුරයි ඕනෙ නං ඩිස්‍පැන්රිය ...

අද වගෙ ප්‍රයිවෙට් දොස්තර කඩ හොස්පිට්ල් ඒ කාලෙ  නෑ ...
චැනලින් සර්විස් අහලත් නෑ ...

දැන් අඩියෙන් අඩිය ඉස්පිරිතාල බිහිඋනාට
හැට හැත්තෑව දශක වල මුළු ගාල්ලටම තිබුනෙ
මහමෝදර මහ ඉස්පිරිතාලෙ විතරයි ...

ඒ කියුවෙ ගමේ කෑම වල ලෙඩ නෑ ...
ඇයි බං දැන් කාලෙ කෑමෙන්නෙ බාගයක්ම ලෙඩ එන්නෙ ...

ඉතිං මේ දෙවියගෙන් ගම් හත අටකට වුන සේ‍වයට
අදටත් ලන්සු තියන්න කොහෙත්ම බෑ ...
ලෙඩ වෙච්චි එකෙකුට ඔය මහත්තයගෙ හිනාවම ඇති ලෙඩේ හොඳ වෙන්න ...

උණ කට්ට ගසල අරගෙන දිව යට තියල
පපුවට නලාව අල්ලල නාඩි බලල දෙන
එක බෙහෙත් වඩියක් ඇති ඇඟේ තියෙන
හැම බඩ කඩුත්තුවක්ම තොලොංජිවෙල යන්න ...

හරියට මහඖෂද පණ්ඩිත තුමා වගෙ
උන්නාන්සෙ මූණ දිහා බැලුවත් ඇති ලෙඩෙේ හොඳ වෙන්න ...

බිල වැඩිම උනොත් රුපියල් හයක් හතක්  ...

ඔය දොස්‍තර මහත්‍තයත්‍ එක්ක ඈඳිච්ච
හිච්‍චිම කාලෙ මට  අමතක නොවන
තවත් සිද්ධියක් තමයි
අපෙ තාත්තගෙ පණ ගිය දවස ...

එදා උදේ ගෙදර හැමෝම තාත්ත බදාගෙන කෑගහන කොට
කමිසයක්වත් නැතිව මම කෙලින්ම දිව්වෙ දොස්තර කුවින්ටස් මහත්‍තයගෙ ගෙදර ...
 
එතකොට එතුමාගෙ පදිංචිය චීනකොරටුව හරස්පාරෙ එතුමගෙ පියාගෙ ගෙදර ...
පහුකාලෙක ගාල්ලෙ මිණුවන්ගොඩ ගෙයක් හදල පදිංචියට ගියා ...

දෙස්තර මහත්තයගෙ දොරට තඩිබාපු
මම එතුමගෙ ඇඟේ එල්ලිල ළතෝනි දුන්නෙ
තාත්‍තට මක්කද උනා දොස්තර මහත්තයෝ ඉක්මනට එන්නෝ ...
දොස්‍තර මහත්තයත් එක පිම්මෙ අපේ‍ ගෙදර ...

ගෙට ගොඩ වැඩිච්චි දොස්තර මහත්තය
තාත්‍තා දිහා බලල තොල පෙරලල
හිස් බැල්මෙන් ඔලුව වැනුව විතරයි ...

අපේ දොළොස්මහේ පහන සදහටම නිවිල ...

එදා ඉඳල ගෙදර තිබුනෙ රෑට එහෙ මෙහෙ යන කළාමැදිරි එළි විතරමයි ...
ඔය ජීවක මහත්තය ගමේ තිබුන හැම ගෙදරකටම දෙවියෙක් ...

අතපය කඩා ගෙන ගිය හැම වෙලාවකම බෙහෙත් දාල ගත්තෙ
සත පනහක් හැත්තෑ පහක්  විතරයි ...

සිරිසේන අයියයි සිරිවර්ධන අයියයි තුවාල සුද්ද කරල
බෙහෙත් දැමීමෙ කටයුතු කරගෙන ගියා
බෙහෙත් කලවම් කලෙත් ඒ දෙපලමයි ...

මේ සුපින්වත් දොස්තර මහතා සහ නෝනා
අවුරුදු හතළිහකට විතර පසුුව මට නැවත හමුවුනෙ
පහුගිය වතාවෙ අපෙ මංගලයගෙ පාස්ට ෆැක්ටරියට
කොල්ලො දෙන්‍නත් එක්ක කෑමට ගිය වෙලේ ...

වට්‍ අ ප්‍ලසන්‍ට්‍ සප්‍රයිස්.
මෙන්න බොලේ අපේ මේසෙට එහා මේසෙ පොඩි පුතත් එක්ක ...

පොඩි පුතත් දැං පොඩි නෑ
ඒකාත් ජෝන් සීනගෙ මල්ලිගෙ යාළුවෙක් වගෙ ගජ ඉලංදාරිය ...

දුව නං දැං කොයි ලෝ‍කෙද දන්‍නෑ ඒකිත් ඒ කාලෙ යස හැඩකාරි ...

පුදුම අහඹු නැවත හමුවීමක් ...

මංගලය ඇඟිල්ල දික්කල ගමන්ම
මම නං අඳුන ගත්ත ...

ඒ වැල් මී හිනාව තාමත් එහෙමමයි ...

ඒතුමට නං මාව අඳුර ගන්න බැරි උනා ...

ඇයි බං පාලහෙදි දාසයෙදි දැකපු එකා
පනස් හත වෙනකොට කොච්චර වෙනස් වෙලාද ...

Dr Quintus De Silva

ක්වින්ටස් ද සිල්‍වා ජීවකයාණනි සමහර විට ඔබ එදා නොහිටියානං ...
ගමෙන්‍ බාගයක් විතර අඩි අටක් යට

නිහතමානී සුන්දර ජීවකයාණනි
ඔබ නැවත දැකීමත් භාග්‍යයකි පිනකි ...

ඔබ තුමාට සහ කරුණාබර නෝනාට මා මෙසේ පතන්නම් ...

සියක් ආයු ලැබ මගෙත් ආයුගෙන
මටත් වඩාකල් ඔබ ජීවත් වේවා !

මෙතුමා ගැන මතකයන්
අපේ කාලෙ එකෙකුට මේ ලිපිය කියවන විට දිගහැරුන හොත්

ඒ මතකයත් බෙදා ගැනීමට ඇරයුම් ...

*****




Tuesday, August 30, 2022

නුග ගහ යට අපි ...


ඕං බොලාට දැන්ම කියුව මේක නං අනෙක්වටත් වැඩිය මහා දිග හෑල්ලක් ...

*****

නුග ගහ යට අපි ...

අපේ මහ ගෙදර තිබුනෙ ගාල්ලෙ චීන කොරටුවෙ අයිස්මෝල හන්දියෙ ...
 
නවසිය හැට ගනන් වලත් ගෙදරට අවුරුදු එකසිය ගානක් කියල අම්ම තාත්ත කියනව
මට ඇහිල තියෙනව
හැබැයි ඉතිං සොලීඩ් ගෙදර ...

බිත්තියක් අඩි එකහමාරක් දෙකක් විතර මහත කබොක් ගලෙන් ...
 
ඒකමයි ඔය තරම් කාලයක් අල්ලං හිටියෙත් ...

වහලෙ තිබුන පැරණි සිංහල උළුයි
අමුතුම තාලෙ මැටි ගඩොල් අල්ලපු පොළොවයි කබොක් බිත්තියි ...
ගේ ඇතුලෙ  සීතල තවත් වැඩි කලා ...

සීතලයිද කියන්නෙ බං ගාල්ලෙ ටවුම මැද්දෙ හිටිය අපිට
රෑට  පොරවගන්න රෙද්දක් අවශ්‍යමයි ...

කොච්රද සීතල කියනවනම් කළු පාට බ්ලැන්කට් එක නැතිනම්
ලොකු අක්කට නින්ද යන්නෙත් නෑ ...

මමනං පාළහක් දාසයක්  වෙනකන් නිදියැව්වෙ අම්මගෙ බොක්කෙ
ඒ කියන්නෙ ඇඳේ ඉතිං මට උණුහුම තිබ්බ ...
අනෙක්‍ අයත් රෑට කාලා කොහේ කොහේ හරි කොනක  ඇලවෙනව ...
 
මහ ගෙදර කියුවට ගෙදර මහ නෑ
කාමර දෙකයි ඉස්තෝප්පුවයි සාලෙයි කෑම කාමරෙයි කුස්සියයි ...

ගෙදර හත්දෙනා උනාට හැමදාම වගෙ රෑට දහයක් පාළහක් බුදි ...
 
අහල පහල ගෙවල් වල අයත් අපේ ගෙදර කූඩාරම් ගහල ...
පුංචි ගුනේ ලොකු ගුනේ සෝමලතා ජයන්ති ගමේ අයිය
මට මතක කිහිප දෙනෙක් ...

ගීත අක්ක සුදු අක්‍ක චම්පිකා
ධම්මික මල්ලි රොහාන් අයිය ජයන්ත ඩබල
අපේ ගෙදර ඉඳල ඉස්කෝලෙ ගිය අය ...

දුකේදිත් සැපේදිත් අපිට හිටිය බාලසූරිය මාම
කාලයක් වැඩට ගියෙත් අපේ ගෙදර ඉඳල ...

තවත් කිහිප දෙනෙක් හිටිය නම් ගම් නිච්චි නැති උනාට ...

හුඟ දවසට යන එන මං නැති පේමා අක්කත්
ටවුම පුරාම ගොහිං කුලී වැඩක් කරල කීයක් හරි හොයාගෙන ඇවිල්ල
අම්ම දෙන දෙයක් කාල බුදියගත්තෙත් අපෙ ඉස්තෝප්පුවෙ ...
ලුසිහාමි ආතත් එහෙමයි ...
ඒ දෙන්නටම කාත් කව්රුවත් හිටියෙ නෑ
හිටියෙ අපිම තමයි ...

පේම අක්ක සන්තකේටම තිබුනෙ
හැට්ට දෙකයි චීත්ත දෙකයි දාගත්තු පුංචි පංමල්ලක් විතරයි
පේමක්ක ඔලුව නිය ගහන්න හරි රුසිය ...

හිච්චි අයියගෙ යාළුවො සෙට් වෙච්චි දවසට ඉස්තෝප්පුවෙ එලිවෙනකං සිංදු
එවුන්ගෙ නම් සඳහන් කරන්න බෑ සීමාරහිත නිසා
මේ සටහන දුටුවොත් ප්‍රසන්ස් මාක් කරන සේක්වා ...
Sarath Dahanayake  Harithalal Sirikumara Kandamby Ranga Goonasekera Shiran Desilva Saman Gurusinghe Wiki Wickramasinghe රන්ජන් හේවවිතාරන පණ්ඩිත මන්ටො මහමෝදර මහේන්ද්‍රය නම් වැලයි ...

එදාට ලොකු අක්කයි හිච්චි අක්කයි  
හැමෝටම කුස්සියෙ සම්බෝල කොටනව පාන් සමග ඩිනර්ස් එකට ...

සිංදු අහවරවෙල සම්බෝලෙටයි පාන් කාලටයි
නැතිනම් රතුහාලෙ බතටයි පරිප්‍පු හොද්දටයි පුච්චපු කරෝල කෑල්ලටයි වගකියල
මහ රෑ පෝලිමට එකා උඩ එකා බුදි ...
 බූරු ඇඳන් නැතිනම් දිගටෝම පැදුරු එලාගෙන ඉස්තෝප්පුව දිගට ...

හැමෝම හරි සන්තෝසෙන් ...
 
අම්මත් සමහරදාට ග්‍රැමෆෝන් එක අතට අරන් රූපසිංහ මාස්ටරුයි
කෝකිල දේවියි පතුරු ගහනව ...
 
අයිස්මෝ‍ල හන්දිය කියුවට
මට මතක කාලෙක නං අයිස්මෝලක් තිබුනෙ නෑ ...
අයිස් මෝල වැහුවයින් පස්සෙ තිබුන බෝතල් ෆැක්ටරියක නටබුන් නම් මතකයි ...
අයිස් මෝලෙ වම් පැත්තට කාස වාට්ටුව
Thassim Chest Clinic ...

ඊට එහා පැත්තෙ වින්නඹු ගෙදර වින්නඹු අම්ම වැන්දඹුවෙක් ...

දකුණු පැත්‍තට අපි ...
ගේ ඉස්සරහ මිදුලෙ ජම්බු ගහ නිසා අපේ ගෙදර ජම්බුගහ ගෙදර ...
ගොඩැල්ලෙ ගෙදර අපේ ගෙදරට තවත් නමක්
ගේ තිබුනෙ පුංචි ගොඩැල්ලක ඒකයි ඒ නම ...

තාත්ත පොඩි මහත්තය නැතිනම් පොඩි මහත්තය අයිය ...
ලොකු මහත්තය කව්දෑ කියලනං දන්නෙ නෑ ...

අපෙ අම්මට ගම්මු කියුවෙ ගොඩැල්ලෙ ගෙදර නෝන
ජම්බු ගහ ගෙදර නෝ‍න නැතිනම් ජම්බු ඇන්ටි ...

ජම්බු ඇන්ටි කියුවෙ ගෙදර ජම්බු තිබුන නිසාද
අම්ම ජම්බු ගෙඩිය වගේ රතු නිසාද තාම මම දන්නෑ ...

ගෙදරට දකුණු පැත්තෙ තැපැල් කන්තෝරුව ...
තැපැල් කන්තෝරුව කරෙ විජේදාස මාම
විජේදාස මාමගෙ එක කකුලක් අනෙකට වඩා දිගයි
ඉතිං ඇවිදින්නෙ ටිකක් පැත්තට ...
අසල් වැසියන්ට හිටියෙ මාටින් මාමල සෝමරත්න මාමයි එමෝහාමි ආත්තයි
තල හාමිනේගෙ පවුලයි ජෝන් මාමයි ජිනදාස අයියයි කරවල කඩේ මුදලාලියි හඳුන්ගොඩලයි
කන්ද උඩ මෙට්ට මාටින් මාමගෙ වරිච්චි ගෙවල් කම්ප්ලෙක්ස් එක ...

පිටිපස්සෙ මායිම මිනින්දෝරු කන්තෝරුව ...
මිනින්දෝරු කන්තොරුවට එහා පැත්ත පහල ඩික්සන් පාර වලව්වත්ත ...
අපේ ඉඩමත් අයිතිව තිබුනෙ කුඹල්වැල්ල වලව්වට ...
පහුකාලෙක  කුඹල්වැල්ල හාමුගෙන් අපි ඒක සල්ලි වලට ගත්ත ...
සල්ලි හම්බවුනෙ මම 83නේ වර්ල්ඩ් කප් ගොහිං ඉතුරු කරපුවැයින් ...

පිටිපස්සට කන්ද
ළඳු  කැලෑවත් සමග  අතරින් පතර ගෙවල් ...
කැලෑවෙ සර්පයො හරියට
සමහර දවසට නයි අඬනවත් ඇහෙනව ...

මම දවසක් පොලඟෙක් එක්ක බුදිය ගත්ත ...
ඒ මම හිච්චි එකා උනාට
නරුම වැඩක් කරල තාත්තගෙන් ගුටිකාල නින්දට වැටුන වෙලාවක  ...

බෙල්ල වටේ සීතල දැනිල ඇහෑරෙනකොට
පොළඟෙක් බෙල්ල උඩ ගුලිවෙල දැපනෙ දාගෙන
පොළොං ඇස්දෙක නිල් කැට දෙකක් වගෙ දිලිසෙනව
උගෙ ඔලුව මගෙ කොට්ටෙ උඩ ...

හුහ් සැපට බුදියන්ට එන්න ඇති කොට්ටෙට ඔලුව තියාන ....

අතින් ගසල දාල මර ළතෝනි තියාගෙන ඇඳෙන් පැන්න මම ...
මගෙ වෙලාවට උගේ කට පුරවල මීයෙක් ...

ඒ වෙලාවෙ ගෙදරට ඇවිත් හිටිය තාත්තගෙ යාළුව ඇඩ්ඩිං මාමයි තාත්තයි
පොළඟගේ අනාගතේ බාරගත්ත ...
පව් අහිංසකය එදැයින් පස්සෙ හුස්ම ගත්තෙ නෑ ...
රෑට මීයො දුවනව වහලෙ රීප්ප උඩ
ඉතීං මීයො අල්ලන්න එන ගැරඬිත් ඉඳහිට අපේ වහලේ
ගැරඬි ආ වෙලාවට බූමිතෙල් පොඟපු බට කෙක්ක අතට ගන්නෙ ලොකු අක්ක ...
ඒකෙන් එක පාරක් ඇන්නම ඇති
ගැරඬිය හුසේන් බොල්ට් වෙන්නෙ ආං ඒ වෙලාවට ...

ගෙවත්තෙ අඹ වෙරළු කෙසෙල් ලාඔලු කොස් වරක දෙල් පොල් පේර
ජම්බු පැෂන් පෘට් අන්නසි සියඹලා අවුරුදු වාරෙට ගස් වල පිරිල
අලි පේර ගහකුත් තිබුන ගෙඩි නැති වුනාට ...

බෙහෙත් ගහකොල වැල් ...
දෙළුම් දියබෙරලිය කෝමාරිකා සියඹලා පුප්පමේනියා නිදිකුම්බා කොහොඹ
වැල්‍ පෙනෙර හාතාවාරිය තව නොයෙක් ජාතියෙ බෙහෙත් හොයාගන
ගම්මු එන්නෙත් අපේ ගෙදරට ...
කම්මුල් ගායට අලි හක්ක හොයාන එන්නෙත් අපෙ ගෙදරට ...

කිතුල් ගහකුත් පැත්තකින් ...
මදින කාලෙට තාත්තගෙන් බාපු ගමන් පෙන දාන තෙලිජ්ජ කෝප්පයක් අයියලටයි බඩ පිස්ස මටයි වරදින්නෑ
බෙහෙත් ඖෂධයක් නෙව ...

වත්ත පුරාම පාට පාට හිච්චි හිච්චි මල් පුදුම සිරියාවක් ...

ලොකු අක්‍කගෙ විනෝදාංශෙ මල් වැවීම ...
උදේ හවස බුදුන් වඳින වෙලාවට ගමේම කට්ටිය
අපේ ගෙදරට තමයි එන්නෙ මල් නෙලන්න ...
පෝයදාටයි ඉරිද දහම් පාසැලටයි
පන්සලේ මල් වට්ටි වැඩියෙන්ම පිරෙන්නෙ අපේ‍ ගෙදරින් ...
කහ මල් සපත්තු මල් සීනියාස් ඩේලියාස් බාබටන්ස් දාස්පෙතිය
නිල් කටරොලු ඉද්‍ද වතුසුද්ද කූඩළු සේපාලිකා පිච්ච හැම ජාතියෙම මල් හැමෝටම ඇති තරම් ...

වැරදිලාවත්‍ රෝ‍ස මලක් කැඩුවොත්‍ නම් ලොකු අක්කගෙ මල පනිනව ...

අපේ ගේ පිටිපස්සෙ කන්දෙන් පස් කපල ගෙනිහිල්ල තමයි
ගමේ හුඟ දෙනෙක් වරිච්චි ගෙවල් හැදුවෙ ...
අළුත් අවුරුද්දට ගමේ හැම ගෙදරකම වගෙ බිම මැටි ගෑවෙත් ඒවැයින් තමයි ...
හදිසියට වහල තෙමෙනවනං පොල් අත්තත් ඒ ගහකින්ම තමයි ...
ගාලු කොටුවෙ මුස්ලිම් පවුල් ඔක්කෝමල වගේ
එළුවන්ට කන්න කොස් කොල කපාගන්න එන්නෙත් අපෙ ගෙදරට ...

සිංහල අවුරුද්දට ගේ පිටිපස්සෙ මහා උස කොස් ගහේ උංචිලි ...
දෙන්නෙකුට බදන්න බෑ ඒ කොස් ගහ
ගමේම කොල්ලො කෙල්ලො කුරැට්ටො ටික එතන උංචිලි ...

නිව්ටන් මාමගෙ පුතා ලලිත් තමයි උඩටම රුකුල් ගන්නෙ
උංචිල්ලාවට නැග්ගොත් උඩම තියෙන කොස් අත්ත අල්ලල කොස් කොලයක් කඩාගෙනමයි ලලිත් පහලට එන්නෙ
අපි ඇස් දෙක වහ ගන්නව බයේ බෑ ...
අපි එච්චර උඩ යන්නෑ බයයි ...

පහු කාලෙක ආණ්ඩුවෙන් ලියුමක් එව්ව කොස් ගහ කැපුවෙ නැතිනම් නඩු දානව කියල ...
මුළු ගමටම හරී දුකයි ...
හේතුව පහුකාලෙක හදපු සමූපකාර ඉස්පිරිතාලෙට කොස් ගහ කඩාගෙන වැටෙයි කියල බයට ...
හැබැයි කොස් ගහ තමයි ඉස්පිරිතාලෙට කලින් ඉපදුනෙ ...
පස්සෙ කොස් ගහ චන්ද්‍රසේකර අයියගෙ ලී මඩුවෙන් අරගෙන
රුපියල් අටසිය පනහක් අම්මට දුන්න
රුපියල් අටසිය පනහ කියන්නෙ ඒ කාලෙ ලොකු මුදලක් ...
හදිසියෙවත් අපි කැමැත්තෙන් ගහ කැපුවනං ගිරාමසේවක අපිට නඩු දායි කොස් ගහක් කැපුව කියල ...

ඒක කොස්‍ ගහක් නෙමේ ගමේ හුඟ දෙනෙක්ගෙ කුසගිනි නිවපු බත් ගහක් ...
කොස් ගහ විතරක් නෙවි මායිමේ තිබුන තවත් ගස් කපන්න කියුව අරයගෙ මෙයාගෙ වහලට වැටෙයි කියල ...
හැබැයි ඒ ඔක්කෝම වහලවල් ආවෙ ගස් වලට පස්සෙ
පොල් ගසුත් හතරක් කැපුව
පොල් ගස් තීන කොට කවදාවත් පොල් කඩෙන් ගත්තෙ නෑ ...
පොල් විතරක් නෙවි වත්තෙ තිබුන දෙල් කොස් පළතුරු හැමෙකක්ම
ගමත් එක්කම බෙදාගත්ත ...

ගම් සභාවෙ හිටියෙ කැකිල්ලෙ රජ්ජුරුවන්ගෙ පරම්පරාවෙ උන්දැලනෙ ...
උන් එදත් හිටංල අදත් හිටංල ...
 
අපේ මිදුලෙ තමයි වැඩිහරියක් කට්ටිය රොක්වෙන්නෙ සෙල්ලමට ...
සුද්දිල හිච්චිල සීලවතීල ලලිත්ල කමලල  සෝමලතාල චූටිල චුට්ටල  ප්‍රියන්තල ජයන්තල රාණිල රමණිල කිරාල  තව නම් වැලයි ...

ගේ ඉස්සරහ වක්වැල්‍ල පාරෙන් අනෙක් පැත්තෙ අපේ ඔෆීෂියල් සෙල්ලම් පිට්ටනිය ...
පිට්‍ටනිය මැද්දෙ විශාල නුග ගහ
නුග ගහේ රෑන් බිමටම එල්ලෙනව ...
හිච්චි එවුන් කාලෙ අපි ඔය රෑන්වල එල්ලිල
ටාසන් වගේ පැද්දෙන එක තමයි කරන්නෙ ....
ටාසන් වගේ පැද්දුනාට අපිට  තිබුනෙ කෝටුකිතයියගෙ ඇටකටු බොඩිය ...
ටාසන්ගෙ ඇඟ තියෙන එකෙක් අහල ගං තිස් හතේම හිටියෙ නෑ ....

අපේ සෙල්‍ලං ඔක්කොම ඔය නුග ගහ යට තමයි ....
නුග ගහට එහා උස  පුළුන් ගහ
පුළුන් ගහේ පුළුන් කාලෙට පුළුන් බිමට පාවෙල එනකොට
මායි චූටියි ඒව පස්සෙ පන්නනව සමනල්ලු පස්සෙ පන්නනව වගේ ...
පහු කාලෙක එතන පොදු නාන ළිඳක් හැදුවෙ සිමෙන්තියෙන් බැඳල වටේම අවුරල ...

රෑට තොරණෙ ලැයිට් දාල වගේ කණාමැදිරියො නිවෙනව පත්තුවෙනව  
අපිත් හරි ආසයි කණාමැදිරියො ඇවිත්‍ ඇඟේ වදින කොට ...

අතේ වැහුවම අනෙක් අතින් හිමිහිට වහල පුංචි හිලකින් කණාමැදිරි එළි නිවෙනව පත්තුවෙනව විනාඩි ගානක් බලාන ඉඳල අපි සන්තෝස වෙනව ...

ක්‍රිකට් ගහන්නෙ රබර් බෝ‍ලෙන් නැතිනම් ඔට්ටපාලු බෝලෙන් ...
ඔට්ටපාලු සප්ලයි එක නාකියදෙණිය වත්තෙ වීරසේන මාමගෙන් ...
චම්පි වීරසේනගෙ Champi Weerasena තාත්ත
නැතිනම් මුණසිංහ මාමගෙන්
මුණසිංහ මාම කිව්වෙ අපේ ආදී ශිෂ්‍ය නැසීගිය ලෝක මුණේගෙ තාත්ත....

ඕනෙනං ටවුමෙ පේමන්ට් කඩේකින් සත පාළහකට විතර
රබර් බෝලයක් ගන්නත් පුළුවන්ගාන තමයි ටිකක් වැඩි ...

බැට් වල අඩුපාඩුවක් තිබුනෙම නෑ ....
ලයිෆ් ටයිම් ස්පොන්සර් ෂිප්එක ගෙදර පොල් ගහෙන් ...
පාපන්දුව වෙනුවට බැලුම් බෝලයක් ගානට පුම්බල හොදට පාප්ප හරි රබර් කිරි හරි ගාල
වටේටම කපු රෙදි කෑලි අලවනව බරට ...
කටු ඇනිල පිපිරුනහම ආයෙත් බැලුම් බෝලයක් ඇතුලට දාල කටින් පුම්බල ගැට ගහනව
හොඳ ඝනේට රෙදි ඇලෙව්වම ලේසියෙන් පිපිරෙන්නෙත් නෑ
ෆුට්බෝල නැති අපට ඒ හොඳා ...

කටු අකුල් වලට ගියෙ නැතිනම් සෑහෙන කාලයක් පාවිච්චියට සුදුසුයි ....

අපි වගේ පොඩි සෙට් එකට වයස පහක් හයක් විතර ඇති
හිච්චි අයිය වගේ ලොකු සෙට් එක අට නවයෙ ඉඳල දොලහ දහතුන පාලහ දක්වා ...

වක්කැල්ල පාරට මායිම්ව දකුණු පැත්තෙ කිලෝ මීටර බාගයක් විතර දිගටෝම පිට්ටනිය ...
නුග ගහ යට ඉඳගෙන බැලුවම
ගාල්ලෙ ටවුමෙ පොලිස් බැරුක්කයි එතනම ඉස්සරහ කැරකෝප්පුවටයි යනකංම පේනව ...
ඉතිං නුග ගහයට ගේමිං සෙන්ටර් එකක්ම තමයි ...

කට්ටියක් ක්‍රිකට් කට්ටියක් ෆුට්බෝල් තව කට්ටියක් එල්ලෙ කට්ට්යක් සරුංගල්  හොරා පොලිස් තාරඩි කබඩි
ලොකු සෙට් එක ජිල්බෝල හෙඩ් බුරුස් ...
ඒව සල්ලි වලට සත දෙකට තුනට ...

පොලිස් ජීප් එක  දැක්කොත් හෙඩ් බුරුස් ගහන හැම එකාම සැනින් සීසීකඩ ...
අද කාලෙ රෑප පෙට්ටියෙයි ක්‍රීඩාවෙයිත් බෙටිං තිබුනට ...  
ඒ කාලෙ ගමේ පුළුං ගහයටවත් බෙටිං බෑ ...
බලාපල්ලකො අපි දියුණු වෙච්චි තරම ...

ලොකු සෙට් එකට දයාරත්නල රෑපසිරිල ඩොනල්ඩ් ඩොනල්ඩ්ගෙ මල්ලි
මෙට්ට මාටින් මාමගෙ පුතා ධර්මසේන රූපානන්ද ඉදියප්පන් ගෙදර රූපසිරි ලලිත් හිච්ච අසෝ‍කා ආනන්ද රාජා මගෙ හිව්චි අයිය සාන්ත මුද්‍රණාලෙ ලොකු ප්‍රනාන්දු ...
තව ගල් වලෙනුත් සෙට් එකක් ...
ගල් වලට කියපු තවත් නමක් තමයි කොරියාව
පිට ගම් වලිනුත් එනව ඔතන සෙල්ලම් කරන්න ...

මාමල නැන්දල කියුවට
මේ ඔක්කොම නෑදෑ නොවන නෑදෑයො ...

හිච්චි අයියගෙ යාළුවො සාන්‍තයි ලංසි ගෙදර කැමිලසුයි මුද්‍රණාලයෙ ප්‍රනාන්දු මහත්තයගෙ පුතයි ...
Sudattha Fernando
අයියයි ප්‍රනාන්දු මහත්තයගෙ පුතයි මහින්දෙ
සාන්ත විද්‍යාලෝකෙ කැමිලස් ඇලෝසියස් ...

සාන්තගෙ පවුලෙ 9යි
කොල්ලො හතයි කෙල්ලො දෙකයි මගෙ යාළුවො චුට්ටයි චූටියි
Meththananda Weralavithana

නුග ගහ ඉස්සරහ වත්ත මැද ලොකු ගෙදර තමයි කැමිලස්ල හිටියෙ ...
කැමිලස්ගෙ ගෙදර වටේට තාප්පෙයි ඉස්සරහට ගේට්ටුයි තිබුන නිසා අපි ඇතුලට යන්නෑ ...
අපේ ගෙදර ගේට්ටු නෑ ...
උණ බම්බු කඩුල්ලක් නාගවල්ලි ගස් දෙකේ හරහට දාල තිබුන හරක් ඇවිත් පැල කන නිසා
වත්ත වටේට ඇල්බීසියා වැට ...

දොරවල්  වහන්නෙත් රෑට බුදියන කොට විතරයි ඒවට යතුරු නෑ ...
රෑට බුදියන කොට ලොකු දොර පොල්ලක් හරහට දානව මහසෝනටවත් පෙරලන්න බෑ ...

කැමිලස්ගෙ තාත්ත කනින්ග්හැම් මහත්තය කෝච්චි ඩ්‍රයිවර්
රතට රතේ සද්දන්ත මහත්තය ...
අම්මගෙ නම මිසිස් කනින්ග්හැම්
මිසිස් කනින්ග්හැම් ගෙන් රස්සාව ඇහුවම
හවුස් වයිෆ් කියනව ...
ඒ උනාට කවදාවත් එළියට බැහැල ඒ රස්සාවට යනව නං මම දැකල නෑ ...

හැබැයි ගෙදර ඉන්නෙත් තොලේ නියේ පාට පෙට්‍ටියම උලාගෙන ජැන්ඩියට ඇඳල  අපිටත් එක්ක පුයර හලාගෙන ...
කැමිලස්ට නංගිල දෙන්නයි
ලොක්කි රෝසි පොඩ්ඩි මොනිකා
දෙන්නම කිරි ගරුඬ රෑප වගේ ලංසි හම දිලිසෙනව ...

මගෙ අම්මේඒ්ඒ්ඒ්ඒඒ් ...
උන්ගෙ නයිලෝන්  අතපය දිහා බලා ඉන්න ආසයි ...
අමරදේව මහත්තය ගැයුව වගේ සිනිඳු සුදුමුදු තලාවක්ම තමයි ...
උන් දෙන්නට ඉංග්‍රීසි බඩ යනව ඉතිං අපි කතා කරන්නෑ
ඉගෙන ගත්තෙ කොන්වන්ට් එකේ ...

හිච්‍චිම එකා බ්‍රයන් ඒකාට අවුරුදු දෙක තුනක් විතර ...
වැඩේ කියන්නෙ ඌ කතා කරන්නෙත් ඉංගිරිසියෙන් ...
අපිට ඉඩක් දෙන්නෙම නෑ ...

******

කැමිලස්ගෙ ගෙදරට දකුණු පැත්තෙන් ලයිට් ගෙදර
ඒ ගෙදරට ලයිට් ගෙදර කියුවෙ ඇයි ද කියල තාමත් මට නිච්චි නෑ ....
මුලු ගෙරටම ලැයිට් තිබුන නිසා වෙන්ටැ ...

අපේ ගෙදර ඇතුළුව ගමේ හුඟක් ගෙවල්වල රෑට ලාම්පු
අපි පාඩම් කලෙත් ලාම්පු එළියෙන් තමයි ...
ලැයිට් ගෙදර ඉස්සරහ තට්ටු දෙකේ බිල්ඩිම
අලෙවි කිරීමේ දෙපාර්තමේන්තුව ...
පහුකාලෙක රබර් මිලදී ගන්නා ස්ථානය ...
උඩ තට්ටුව තමෙල් අංකල්ගෙ පින්තූර සාප්පුව ෆොටෝ සීරෝ ...

ඒකට පිටිපස්සෙ වතුර ගෙදර ...
අපිට බීමට ජලය එහෙන් හැන්දෑවට බාල්දි පුරවං ඇවිත් ගෙදර කල ගෙඩි ටික පුරෝ ගන්නව
අපිට තිබුනෙ ළිං
අපේ ගෙදර ළිඳ හරී ප්‍රසිද්ධයි ඒකාලෙ
ගාල්ලෙ කොටුවෙ ඉඳල මිනිස්සු එනව අපේ ළිඳට නාන්න ...

ගමට තව ප්‍රසිද්ධ නාන ළිං දෙකක් තිබුන
කප්පි ළිඳයි බානිස් මාමගෙ ළිඳයි ...
බානිස් මාම කලේ ගල් වල අකුරු කෙටුව එක ...
බානිස්‍ මාම ගල්වල අකුරු කොටන සද්දෙට ගමම ඇහෑරෙනව ...

*******

ගමේ කාර් වලට තිබුනෙ පන්සලේ නන්දසාර හාමුදුරුවන්ගෙ කේම්බ්‍රිජ් එකයි
දොස්තර ක්වින්ටස් සිල්වා මහත්තයගෙ ෆෝඩ් ප්‍රිපෙට් එකයි
දේවේන්ද්‍ර මහත්‍තයගෙ ෆියට් එකයි කේ එල් එච් මුදලාලිගෙ මයිනරෙයි
ලී බඩු කඩේ පුංචි අප්පුහාමිගෙ කාරෙකයි සල්වතුරයගෙ තාත්තගෙ ගිනිපෙට්ටි ඔස්ටින් එකයි
ගමටම කාර් හයයි ...
දැන්නං ඉතිං ගමේ කාර් නැත්තෙ හයකට විතර වෙන්ටැ
මට අක්කල දෙන්නයි අයියල දෙන්නයි මම බඩ පිස්‍ස
අම්‍මයි තාත්තයි හතයි ...
එතකොට තාත්ත හිටිය
තාත්‍ත ඉන්න කාලෙ අපිට හරී සරුයි ...
අපේ ගෙදර හත් දෙනා උනාට කෑම වෙලාවට හැමදාම ගේ පිරිල
නෑදෑයො අසල් වැසියො හැමෝටම කන්න ගෙදර මක්කා හරි තිබ්බ ...

කුස්සියෙ මක්කාවත් නැතිනම් ගස් වලින් කොස් හරි දෙල් හරි කඩල තම්බල දුන්න සම්බෝලත් එක්ක ...
ගමේ ගෙල්වල අයිස් පෙට්ටි නෑ උණු උණුවෙම තමයි කෑම ...
අම්මටයි තාත්තටයි ගමේ අය හරී ආදරෙයි
හැමෝම එක්ක සුහදයි වෙනසක් තිබුනෙ නෑ කාටවත් ...
අපෙ අම්ම හැමදාම කීව දෙයක් තමයි
උඹළැයි තාත්ත හම්බ කරේ සල්ලි නෙවෙයි මිනිස්සු කියල ...
ඒක මට අදටත් වලංගුයි ...

අපිට කණ කොකා පෙනුනෙ හැත්තෑ පහේ ජනවාරි දොලහ උදේ පාන්දර
තාත්‍තගෙ හුස්ම නැවතුනාට පස්සෙ ...
එදා ඉඳල අපි හය දෙනාට තිබුනෙ අපි හය දෙනාගෙ හෙවනැල්‍ල විතරමයි ...

******

ඔය විශාල නුග ගහ මුළු ගමම එක්කාසු කලා ...
ඉතිං නුග ගහ යට හරි හරියට සෙල්ලම්
බක්මහට අවුරැදු උත්සව වෙසක් දන්සැල් තොරණ් ...

ඒවට අපි එක රොත්තට සහභාගී වෙනව ...
ගම හරහා දිවීම තමයි මගෙ ප්‍රියතම ...

ඒ ඉතිං අපි වගේ හිච්චි එවුන්ට ගම හරහා දුවන කොට
ඔරෙන්ජ් බාර්ලියි මාරි විස්කෝතුයි දෙන නිසා ...
****

නුග ගහ යට වෙසක් පොසොන් බත් බීම දන්සැල් ...
ගුනවර්ධන පුංචි අප්පුහාමියි කේ‍ එල් එච් මුදලාලියි තමයි දන්සැල විවෘත කරන්නෙ ...
අපි විවෘත කරන්නෙ දන්සලේ පෝලිම ...

කාලයත් එක්ක පරණ මිනිස්සු මියෑදෙන කොට තරුණ අයත් රස්සාවල් හොයාන එහෙ මෙහෙ ඇදෙන්න ගත්ත ...
වැඩි දෙනෙක් ගියෙ ඉතාලි මැදපෙරදිග වගේ රටවලට ...

පහු කාලෙක නුග ගහ නුග කොටේ වුනා ...
තවත්‍ කාලෙකින් නුග කොටෙයි මුල් ටිකයි ගමේ එවුන්ගෙ ලිප්වල දරටම පත්තු වුනා ...

ඊට පස්සෙ හත් හවුල ආණ්ඩුවෙ වගා ව්‍යාපාරය ආවම සෙල්ලම් පිට්ටනි ඔක්කොම වට කරගෙන
ගම්මු වගා කරන්න ගත්ත ආණ්ඩුවෙම ඉඩම් බලෙන් බෙදාගෙන ...

වැඩි දෙනෙක් ඇත්තටම කලෙ වගාව පෙන්නල
ආණ්ඩුවෙ ඉඩම් ටික කොටු කරගත්ත එක ...

කාලයක් තිස්සෙ එකට හිටියට ගම්මුන්ගෙ තන්හාව කියනදේ ඉලිප්පිල ඇවිත්
තමන්ගෙ වැයික්කිය කොටු කරගන්න රණ්ඩු සරුවල්
කළ කෝලහල කපා කොටාගෙන
උඩින් මිතුරු යටින් හතුරු වෙන්න ගත්ත ...
 
ගමේම කොල්ලො කුරුට්ටො එක්කල නුග ගහ යට  පිට්ටනියත්
ටිකෙන් ටික කෑල්ලෙන් කෑල්ල හිමීටම ගමට නැතිවුනා ...

ඒ අපේ නුග ගහ යට ගේමින් සෙන්ටර් එක යට කරගෙන
වගා ව්‍යයාපාරය ව්‍යාප්ත වෙන්න ගත්තට පස්සෙ ...

එතැන් සිට නුග ගහ යට ලොකු මහත් වෙච්චි අපිත් සීසී කඩ විසිරුනා ...
නුග ගහත් අපිට නැතිවුනා
දැන් නං ගමේ කවුරු ඉන්නවද දන්නෙ නෑ ...

හැම එකාටම හෙවන දුන්න මහා විසාල නුග ගහ තිබුන තැන
හදිසියකට පොඩි එකෙකුට චූ කරන්න නිදිකුම්බ පඳුරක් තියා තුත්තිරි ගහක්වත් දැන්නෑ ...

අපිට සෙල්ලම් කරන්න ඉතිරි උනෙත් ගාලු මහ පිට්ටනිය විතරයි ...
පහු කාලෙක ඒකටත් ක්‍රිකට් මණ්ඩලෙන් කෙලිය ජාත්‍යන්තරේ පෙන්නල ...

දැන් නුග ගහ පිටියෙ සමූපකාර ඉස්‍පිරිතාලේ ...
සමූපෙ පටන් ගත්තෙ නවසිය හැත්තෑ දෙකේ විතර
මුලින්ම තිබුනෙ ගල් වල ඉස්සරහ තිබුන තනි තට්ටුවෙ කාමර හතරක ඩිස්පැන්සරිය විතරයි ...

ක්වින්ටස් සිල්වා මහත්තයි නානායක්කාර මහත්තයයි ඒකෙ දොස්‍තරල
සිරිසේ‍න අයියයි සිරිවර්ධන අයියයි සහායකල එයාල තමයි බෙහෙත් කවලම් කලෙ ...

ඩිස්පැන්සරියෙන් මොන බඩ කඩුත්තුව හැදුනත්
සුදු පාට කුඩකුයි රතු පාටට හුරු බෙහෙත් වතුර බෝතලෙයි තමයි
එකම ප්‍රතිකාරෙ ...
හැබැයි කිරි ගහට ඇන්න වගේ ලෙඩ රෝග සියල්ල නිවාරනයි ...

දැල් එතන සමූපකාර කොම්ප්ලෙක්ස් එකක්
අපිට තිබුන ඉඩම් කෑල්ලත් සමූපෙටම දුන්න ...

මහ විගඩම් නම් අස්සෙ හංගන
භෟෙකික අඛණ්ඩතාවය ජාතික සමතුලිතතාවය
ආගමික සමානාත්මතාවය සහජීවනය සංහිඳියාව ...
කාලෙන් කාලෙට උඹළ අහුවෙන අට පාස්නැති අම්බරු හාල්පාරු දේශපාළුවන්ගෙ වචන සැට් එක ...

ඔය මක්කාවත් අප්‍රබංස නැතිව එදා ඔය  මහ නුග ගහ
පන නැති උනත් ක්‍රියාවෙන්ම ඔප්පු කලා ...

ඒ කීවෙ ජාති ආගම් කුලමළ දුප්පත් පෝසත් මෙකී නොකී මක්‍කාවත් නැතිව
ඔය නුග ගහ මුළු ගමම එක්කාසු කලා ...

එදා චීන කොරටුව අයිස්මෝල හන්දියෙ නුග ගහ යට ...
මයෙ අම්මාපල් දැන් නුග ගහක් බෙහෙතකටවත් දකින්න නෑ ...
 
චුට්ටල චූටිල  ප්‍රියන්තල ජයන්තල අනෙක් කොල්ලො කුරුට්ටො එක්ක ගහන්න ගත්තු ගැහිල්ලම තමයි ...
පහු කාලෙක ලෝඩ්ස් පිටියට යනකන්ම මාව ගෙනිච්චෙ ...

සැමට සෙවන දෙන නුග ගස්
තව තවත් සැම තැනම උපදීවා ...

🙏🙏🙏🙏

Sunday, July 24, 2022

ඉරයි හඳයි අඳුරයි ...

ඉර පායා සිනා සෙනා
අපි ඉන්නද අඳුරෙ ගිලීලා //

සඳ පායා සිනා සෙනා
අපි ඉන්නද අඳුරෙ ගිලීලා //

දෝත පුරා කඳුළු ගලා එයි
සාගරයක් ඊට මදී වෙයි // ...

~ මෙය වීදි නාට්‍යකින් උපුටාගත් ගීයකි ~

මෙම පද පේලි හයේ සැඟව ඇත්තෙ නුඹේත් මගේත් කතාවයි ...

********

සමහර තැන්වල ඉර පායල සිනාසෙනවා
සමහර තැන්වල සඳ පායල සිනාසෙනවා ...

ඒ ඒ තැන්වල ජීවත් වන අය බොහෝම සතුටින් ජීවිතය විඳිනවා
ඒ අයගේ දරුවන් බොහෝම උජාරුවෙන් විනෝද වෙනවා ...
ඒ දරුවන් පහසුවෙන් පූර්ණ අධ්‍යාපනය ලබනවා
ඒ දරුවන්ගේ දියුණුව බලලා
ඒ දෙමාපියන් සන්තෝස වෙනවා
ඒ ඉර පායන හැම තැනටම වගේ හරීම ලස්සනට සඳත්‍ පායනවා ...

අපි ????

අපිටත් ඉර පායනවා
අපිටත් සඳ පායනවා ...
ඒත් අපි විසින් අපේම ඇස් වසාගෙන අඳුරේ අත පත ගානවා
අපිම තෝරාගත් පාලකයන් අපිටම කොකා පෙන්වනවා
කොටින්ම අපි ජීවිතය විඳවනවා ...

අපේ අම්මා තාත්තා තමන්ගේ දරුවන් ස්නේහයෙන් වැළඳ ගෙන
ඒ දරුවන්ගේ හෙට දවස ගැන හිත හිතා හැමදා කඳුළු වගුරනවා ...

ඒ ඇයිද කියා අපිම තේරුම් ගන්නා තුරු
අපි කඳුළු සයුරක හැමදා ගිලෙනවා ...

*****

ශ්‍රී ලාංකා නූතන වීදි නාට්‍ය රඟහලේ පියා
කලා කීර්ති ආචාර්ය ගාමිණී කල්‍යානදර්ශ හත්තොටුවේගම මහතාය ...
ඔහු ගෞරවනීය නාට්‍ය රචකයෙක් අධ්‍යක්ෂකවරයෙක් නළුවෙක් විචාරකයෙක් සහ අධ්‍යාපනඥයෙක් විය ...  
එතුමාට මා ඉතා ගෞරව කරමි ...

1939යේ නොවැම්බර් 29දා උපන් එතුමා 2009 ඔක්තෝබර් 30වනදා අප අතරින් සමුගත්තේය ...

එතුමාට 🙏🙏🙏🙏🙏🙏🙏🙏🙏🙏🙏



Saturday, July 2, 2022

නී



පහුගිය වසරෙ මේ මාසෙ ලෙෆ්ට් නී ෆුල් රිප්ලේස්මන්ට් ...
ඒක අති සාර්ථක නිසා ආයෙ මක්කටෙයි තව බලන් ඉන්නේ කියල
ඇහැක් කල් වේදනාවෙන් තොරව අවිදගන්න
ඕං බං ඊයෙ අනෙක් එකත් අළුතෙන්ම දැම්මා  
සෝ ටූ බ්‍රෑන්ඩ් නිව් කම්ප්ලීට් නී රිප්ලේස්මන්ට්ස්
ෆුල් ඩිජිටල් ටයිටේනියම් ...

දැන් මගෙ ශරීරයෙ ඇති ලෝහ ලිස්ට් එක

* කම්ප්ලීට් රයිට් නී රිප්ලේස්මන්ට් - 2022 වසරෙ ...
* කම්ප්ලීට් ලෙෆ්ට්ට් නී රිප්ලේස්මන්ට් - 2021 වසරෙ
* ලෙෆ් ෂෝල්ඩර් විත් ඉස්කුරුප්පු ඇණ - 2020 වසරෙ...
* ලෙෆ්ට් අපර් චීක් බෝන් විත් ප්ලේට් ඇන්ඩ් ඉස්කුරුප්පු ඇණ - 1995 වසරෙ ...

ඕල් දීස් ඉන් අයිස්මෝල හන්දියෙ අතුලයාස් ටයිටෙනියම් බොඩි ...

ඕං බලහල්ලකො ඒකෙත් හැටි ...

කේසා ලෝමා නඛා දන්තා තචෝ මංසං නහරු ටයිටේනියම් ... කියල
සර්වඤ්ඤයන් වහන්සේ වදාල
දෙතිස් කුනප භාවනාවත් මටම කියල වෙනස් කරගන්න වෙච්චි ...

හැබැයි ඉතිං මං මළත් මයෙ පවුලට වටිනාකමක් තියෙනවනෙ බං දැං ...
ඇයි යකෝ මං හෙට මළොත් පවුලෙ උන්ට ටයිටේනියම් ටික විකුණල හරි ගතම් එකක් හොයා ගන්න
වැඩේ සැට් කරලයි මම යන්නෙ
ඕං ඕව තමයි අපේ ඉන්වෙස්ට්මන්ට් ...
*****

මෙදා පාර මෝස්ට් එක්සයිටිං ඇන්ඩ් සුන්දරම දෙය තමයි
මුල සිට අග දක්වා මුළු ශල්‍යකර්මයම මගේම දෑහින් ලයිව්ම අඟල් හැටේ ෆුල් HD තිරයේ දැකගැනීම ...

ත්‍රී ඇන්ඩ් අ හාෆ් අවර් ෂෝ ජස්ට් ෆෝ මී ...

මෙදා පාර අනෙක් කාරණය තමයි
ෆ්‍රොම් ටුමෝරෝ නෙක්ස් ටු මයි රූම් ඕ මේබී ඉන්ද සේම් රූම් ලයිං ඩවුන් ඊස්
මයි ගුඩ් ෆ්‍රෙන්ඩ් ලෙජන්ඩරි රවි රත්නායක
ආෆ්ටර් ගෙටින්ද සේම් ඔපරේෂන් ඩන් බයි ද ඩොක්ටර් වයසක යංග් ...

ජස්ට් ලයික් ගුඩ් ඕල්ඩ් ඩේස් රූම් මේට්ස්
ෆෝ ෂුව(ර්) වී විල් හෑව් අ ග්‍රේට් ටයිම් ...
*****
ඉතිං ඕං මෙදා පාර නී රිප්ලේස්මනට් ගැන ආයෙ හෑල්ලක් ලියන්න බෑ බං
බොලාට වෙලාව තියෙනං ගෑස් පෝලිමේ තෙල් පෝලිමෙ ඉන්න ගමන් කියවන්න
ගියා පාර ලියවිල්ලම උන්ඩියල් ක්‍රමේට දැම්මා මතකය අවදි කරන්න ...

වෙනසකට කියල තියෙන්නෙ
නර්ස් නෝනලා සැට් එක වෙනස් ...
ඇනස්තටිස් එමලි වෙනුවට
ඇනස්තටිස් මාක්

පහුගිය වාරෙ තිර නාටකෙන්
ග්‍රැහැම් යැලොප් ඇත
රොඩ්නි මාෂ් ලොප් වී ඇත
මටද තවම නාඩි වැටෙනු ඇත ...

*******************************

https://www.facebook.com/670389446/posts/10161180285949447/

24/07/2021 FB

වෝනිංග්
ඇඹරෙන්නෙපා ටිකක් දිගයි
*****

ඉන් වින්ඩ්සර් මැල්බෝන්හි දී ඇවනියු ගිලන් ඇඳේ
ඔන් මයි බැක් ලයින් ඩවුන් අන්ද මන්ද බකන් නිලමි

ඉස්ටේජ් ෆෝ ලෙක්ඩවුන්ලු නෝ විසිටර්ස් ඉන්සයිඩ්ලු
මොලේ කචල් නොම වන්නට නෙට්ෆ්ලික්ස් එක දාගන්නලු ...

ත්‍රාසය ඇන්ඩ් ඩොකියුමන්ට්‍රි භීතිය හා ගන් ෆයිටිං
ෆැන්ටසි කොමඩිද සමගින් හොලිවුඩ් බොලිවුඩ් ජර්මන්
ෆ්‍රාන්ස් ඉටලි ඇන්ඩ් රෂියන්  භාෂා ඕනෑ එකකින්
මනකල්පිත සිහින ලෝක තිර රචකගෙ ෆැන්ටසියෙන් ...

එත් මචෝ ගිලන් ඇඳේ සීලිම බෝරිං වෙනකොට
නෙට්ෆ්ලික්ස් ෆොක්ස් ටෙල් නැති නං දවස් පහක් මක් කරම්ද ...

හායි හනී ගුඩ් මෝනිං බ්‍රෙක්ෆස්ට් එයි ඇඳ උඩටම
හව් ඉස් යුව කැතීටරේ පූ ගියාද නයිට් එකේ ...

ඔපරේෂන් සක්සෙස්ෆුල් රිකවරි ඉස් ලෝංග් ප්‍රොසෙස්
ස්ලෝලි ස්ලෝලි යූ වර්ක් අවුට් ඉෆ් පේනිං ඩෝන්ට් පුෂ් ඉට්

හව් ඉස් යුව නී ඩාලිං එනි ඩිස්කම්ෆර්ට් කමිං
පේන් කිලස් ඕනිම නං අයි විල් ගෙට් ප්‍රෙස්ක්‍රිප්ෂන්

පැනඩීන් එක ස්ට්‍රෝන්ග් මදියි ෆෝටේ නං ඩ්‍රවුසි වැඩියි
ඉන්ජෙක්ෂන් ඇඟ හිල්වෙයි
එන්ඩෝන් පෙති රොකට් වගෙයි දෙක ගැහුවම හඳේ තමයි ...

නර්ස් නෝන කේලා ඩොයිල් සිරියාවයි ප්ලසන්ට් ස්මයිල්
කැන් අයි ගෙට් ඔරෙන්ජ් ජූස් ටී ඕ කොෆි පෲන් ජූස්   ...

කපල කොටල සරුවාංගෙ ෆ්‍රීසිං මම ගිනි සීතලෙ
අනේ යකෝ පිස්සු එපා දීපං මට නිදි පෙත්තක්
තව දවසක් බුදිය ගන්න ...

ඇනෙස්තටිස් නෝන එමලි ෆුල් ඇක්ටිව් මාර කොමලි
දයාවෙනුත් බොහොම සපිරි කයින්ඩ් හාට් ඒත් මුඛරි ...

පැතලොජි ඇන්ඩ් කාඩියොග්‍රෑම් බ්ලඩ් ටෙස්ට් ඔක්කාම නෝමල්
සීටී ඇන්ඩ් එක්ස්රේ පටි එම් ආර් අයි ඇබ්නෝමල් ...

එම්ආර්අයි ඩිමොන්ස්ට්‍රේට් ට්‍රයිකම්පාට් ඔස්ටියොත්‍රොසිස්
කන්ඩ්‍රෝපති ආටිකියුලේෂන්  බයි ලැටිරල් සුපර් ටිබියො
පටෙලොෆෙමොරා කම්පාට්මන්ට් තව මක්කද අණ්ඩ්‍ර දෙමළ ...

ඩීජෙනරේෂන් ටියර් ඔෆ් මෙඩියල් මෙනිකස් ප්ලස් ප්ලස්
ඇන්ටීරිය පොස්ටීරිය පොමිනන්ට් ඔස්ටියෝෆයිට්ස්

පටෙලා ටැපලා පැටලෙනවා මාර්ක්ඩ් ඇටෙඒෂන් බෝන් ඔඩිමා
මෙඩීයල් කොන්ඩයිල්බයි මෙඩිකල් මෙනිස්කස්
සබ්කොන්ඩ්‍රාල් ජිඔඩස්
ඇන්ටීරිය පොස්ටීරියර් තේරෙන් නෑ මළ රෙද්දක් දොස්තරලගෙ ඩික්ෂනේඒරි
බ්ලි බ්ලා බ්ලා බ්ලා බ්ලා බ්ලා අපිට හිකෙයි බ්ලා බ්ලා බ්ලා ...

*****

ඒ කාලේ අපි ඇතිලුවෙ සිද්ධාර්ථෙ සරුවාංගෙ
පයින්ම ගොස් ගිනි අව්වේ වෙද මහතගෙ කිරි නැළියේ
ඇදල බැඳල කෝටු තියල සෙම් කෙම් සහ වස්ති දමල

කොත්ත මල්ලි වෙනිවැල්ගැට අරළුද නෙල්ලිද රසකිඳ
කොමාරික පැපොල් ගැටද සූකිරි මීපැණි සමගද
වට්ටෝරුවකට කසාය රුපියල් දෙකකුයි වියදම ...

කලං අටක් එකට හිඳේ  පත්තු හතයි ඇටේ වටේ ...

#####

නාකි උනත් දෙස්තර යංග් ඩේවිඩ් නම වෙරි ෆේමස් ...
ලාස්ට් වීක් රොඩ්නි මාෂ් ප්‍රීවියස්ලි ග්‍රැහැම් යැලොප්
ඊට කලින් නෙට්බෝලර්ස් ආෆ්ට දැට් ෆුට්බෝලර්ස්
ඇක්ටර්ස් ගොල්ෆර්ස් ක්‍රිකටර්ස් හයි ප්‍රොෆයිල් කැරෙක්ටර්ස්
දෙසයි ඔහුගෙ ෆුල් වැඩ කිඩ ආතල් දෙයි මගෙ සවනට ...

කාටිලේජ් කිසිවක් නැත බෙහෙතකටත් හොයාගන්න
කලව ඇටෙයි කෙන්ඩ ඇටෙයි දෙකම වැදෙයි එක පොදියට
ටුගෙදර් වෙන් දේ ග්‍රයින්ඩින් අන්බෙයරබල් පේන් කමින් ...

ඉෆ් යූ ඩූ ෆුල් සර්ජරි කැන් ගෙට් යූ ස්පිනිංග් අගේන්
බැක් ඉන් යුව ස්ට්‍රෝක් ප්ලෙයින්
ඇන්ඩ් බෝලිං යුව ඕෆ්ස්පින් ...

ඉන්ඩ්පෙන්ඩන්ට් ලයිෆ් අගෙන් ලෙෂර් ලයිෆ් ඉම්පෲවින්
සිටිං ඩවුන් ස්ටෑන්ඩිං අප් වෝකිං විතවුට් පේනින්

බෝත්ම ලෙග් දනිස් කටූස් කම්ප්ලීට්ලි රිප්ලේස්මන්ට්
සුදු සෙරෙමික් පටෙලා කැප් ටයි ටේනියම් ස්පෙයා පාර්ට්
ප්ලීස් ටේක් ප්‍රී ඔප් ඩොක්ස් රීඩිට් ඇන් බී ප්‍රිපෙයාර්ඩ් ...

බ්ලඩ් ක්ලොට් නං ප්‍රොබ්ලොමැටික් එපිඩියුරල් ඇනස්තටික් ...

*****
මහමෝදර රෝහලෙ මෙන් මජං නොමැති දඬු අඬුවෙන්
ග්‍රයින්ඩර් ඇන්ඩ් කියත් නියං වක් කියතෙන් දෙකට බෙදන් ...
දඩං බඩං නොයිසුත්  නෑ ආතල් එක නැත්තෙත් නෑ ...

ගමෙ පට්ටලේ නෙවි බං කන්ටැක්ලස් ෆුල් සර්ජරි
ටුවෙන්ටි ෆස්ට් සෙන්චරියේඅළුත් තාලෙකටළු දෙන්නෙ
ෆුල් රොබෝ පර්ෆෝමන්ස ඔන් ලයින්ලු ඔපෙර්ෂන් ...

මෙෂමන්ට් එක තිතට අරං යැව්වලු මාසෙකට කලිං ...
ඇමරිකාවෙ හෙඩ් ඔෆිසෙන් දනහිස කස්ටමයිස් කරං
කම්පියුටර් ප්‍රෝගෑමිං ටයිටෙනියම් හරිම ගනං ...

දොස්තරයා උතුර බලං රෝබෝලා නිරිත බලං
කොම්පියුටර් අතර මැදිං කකුල කැපුවෙ මවුස් එකෙං

*****
නයිකි ඇසික්ස් අඩිමඩාස් බෲක්ස් පූමා නිව්ම බැලන්ස්
වෑන් එලිස් ටිම්බර්ලෑන්ඩ් රීබොක් නැත අපෙ කාලේ ...

ගින්යම් වූ තාර පාරෙ අඩියක් නැති සපත්තුවේ
මීටර නොව සැතපුම්මයි 1බෙයා ෆුට්නෙ අපි දිව්වේ ...

පාං පොඟල කහට එකේ දෙවේලකින් ෂේප් උනේ
ඩිමෙල් එකේ රෝස් පාං වඩේ තමයි පිහිට උනේ ...

රණසිංහගෙ දර මඩුවේ දර පලලයි ඇඟ හැදුවේ
ගල්රෝලය කල්ලු කරල අපි සැට් එක් ෆිට් වූයේ
නොකා නොබී අගුපිල්වල ලගේ ගහල අපි ගැහුවේ ...

ඒවයෙ ප්‍රතිඵල  මෝරල එලියට එයි හිටිහැටියේ
ජෝයින්ට් කෙටිල කුෂන් ගෙවිල ඇවිද ගන්න බැරි සකියේ ...
මේව තමයි අපි කාටත් වෙන වින්නැහි සැඳෑසමේ ...

පැඟිර කාලෙ දුවපු දිවුලි පැඟිර කාලෙ පැනපු පැනිලි
පැඟිර කාලෙ ගහපු ගැහිලි කෝටු ඇඟට නෑ දැනුනේ ...

ග්‍රයින්ඩරෙන් ඇඹරුවාට අපෙ ජීවිත නැත වැටුනේ
ගත අටවාගෙන දිව්වට හිතේ හයිය නැත සිඳුනේ

පැඟිර කාලෙ මේ රෑපෙට වද දෙනකොට නැත සිතුවේ
චමින්දවී හැටත් පැනලා ගෙවපං කරුමය හම්මේ ...

****

අයි තින්ක් යූ නීඩ් මෝ එන්ඩෝන්
ලුක්ස් ලයික් යු ආ ඉන් පේන් හනී
ඒ හඬ අපෙ මෝනිං මිසී ලුවිස්ගේ ...

එන්ඩෝන් පෙති වැඩි උනාම මොලේ කචල් අංජ බබල්
ඒ ආතල් වැඩි උනාම හඳේ තමයි නවතින්නේ
තව එන්ඩෝන් පෙති මොකටද හඳට මොටද මං යන්නේ

බුදු හිමිගේ ශ්‍රී මුඛයෙන් සතිපට්ඨානය දෙසුනේ
අකාලිකයි සද්ධර්මය අපි මක්කට ලතැවෙන්නෙ
වේදනානුපස්සනාව මෙනෙහි කරන් දැං ඉන්නේ ...

*****

ගෙට් වෙල් සූන් කාඩ් ඇන්ඩ් මල්වඩම් අනවශ්‍යය ...

~ අයිස්මෝල හන්දියේ අතුලයා ~

Sunday, May 29, 2022

බොරැල්ලෙ කාසල් රෝහලේ ඉපිද ...

චීනකොරටුව අයිස්මෝල් හන්දියෙ හැදී වැඩී
🙏 මිහිඳුවේ දෙවි දේවතාවුන්ගෙන් අකුරු කර 🙏🙏🙏

කොළඹ ජෝර්ජ් ස්ටුවට් ආයතනයේ
රුපියල් හාරසීයෙ පඩියට ලිපිකරු සේවයෙන් පටන් අරන්
බ්‍රවුන්ස් සමාගමේ හා ඛනිජතෙල් සංස්ථාවෙහි
වසර දාහතරක් සේවය කර ...
 
කැන්ගරු දේසෙ
පිල්කිංටන් ඇන්ඩ් ඕෂියානියා ග්ලාස් කොම්පැණියෙ වසර 22ක ස්ථීර සේවයකට පසු ...
(ඒ අතරතුරැ අනේක විධි ඇඟපත කකියන කැෂුවල් කෑලිද මහමෙරක් සේ ඇද්දෙමි.මොකෝ බං ඩිග්රි පිට ඩිග්රි ගහන්න අපි රාජපස්සලැයි)

අයිස්මෝල හන්දියෙ අතුලයා
පහුගිය දොහේ පැන්ෂන් ගිය වග
මා හිතවත් ටොයි බයි ජෙපි වන පාට පක්ෂ වලට වහල් නිවහල්
තා තෙපි තොපිලා සියල්ලටම මෙයින් දැනුම් දෙනු ලැබේ ...

අයිස්මෝල හන්දියේ අතුලයා දැන්
තේ කඩේ බලා කියා ගෙන දිවිගෙවමි ...

අයිස්මෝල හන්දියේ අතුලයාගෙ තේ කඩයද
රජයට බදු ගෙවමින්
බදු ගෙවන ඔසියන් පාළහකටද රැකියා සපයමි  ...

~~~~

ඉපදුන දා සිට අද දක්වාද ...

පළමු රුකියාව පටන් ගත්දා සිට අද දක්වාද ...

කොන්ද නොනමා කෙලින් සිටීමට
දශක ගනනක් කාපු කට්ට උපරිමය ...
මානසික ශාරීරික හැල හැප්පීම් බොහෝය ...

මේ දක්වා මම බොලාට කියූ කතා අල්පය
තවත් කීමට ඇති දෑ බොහෝය ...

පොත දොරට වැඩුමටද
පටන් ගත් හැම විටකම අනේක බාධා ඇතිවිය
දැන් කරදාසි නැත ...

හුස්ම වැටුනහොත්  මේ සියල්ල සමගින්
නැවතත් ඔබ අතරට
අරගලයෙන් පසු යම් දිනෙක ...

~~~~

මාද ගතින් නැතත් සිතෙන්
සැමදා අරගලයේ සිටිනා ඔබ සමගය ...

මන්ද ...
මාද එක්තරා අරගල කරුවෙකි
මා මෙතැන සිටින්නේද
මේ දක්වා කල එක්තරා අරගලයක ප්‍රතිඵලයක් ලෙසිනි ...

ඔබ මෙන් මාද මතක ඇති දා සිට වැටි වැටී නැගිටියෙමි ...

නුදුරු දිනකදී අප සැම එකම රටක් ලෙස
නොවැටෙන්නටම යළිත් නැගිටිනු ඇත ...

කම්බ හොරුන්ගෙන් මිනීමරුවන්ගෙන් තොර රටක් උදෙසා ...

අරගලයට ජය !!!

🙏🙏🙏🙏🙏🙏

වහළුන් බොහෝය ...

එහෙත් ...
 
නිවහල් සිතිවිලි සිතනා සිතත් උදාරයි
නිවහල් නිවවුම් මවනා සිතත් උදාරයි
එවන් අසිරිමත් ජාතිය ජයෙන් උදාරයි
යශෝ කැළුම් වරජෝතිය පිනෙන් උදාරයි ...

සැ.යු. ජාතිය = ශ්‍රී ලාංකික

Sunday, May 22, 2022

අද කැන්ගරු දේසෙ මහ ඡන්දෙන්
ලිබරල් පක්ෂෙ පැරදිලා ලේබර් පක්ෂෙ දින්නා ...

මොරිස සමුගැනීමේ කතාව කරා
ඇල්බො 31 වෙනි අගමැති ලෙස වැඩබාර ගැනීමේ කතාව කරා ...

මොරිස ඇල්බොට විෂ් කරා
ඇල්බො මොරිසට විෂ් කරා

දෙන්නට දෙන්නා තමාට ඡන්දය දුන් නොදුන්
සෑම කෙනාටම ස්තූති කලා

ඒ වැඩේ එතැනින් හමාරයි ...

අපි ඇඳට ආවා සුභ රාත්‍රියක් කියල ...

ඔවුන් අමතන්න හොනරරි කෑලි මක්කාවත් නෑ ...
ඔවුන් දෙන්නත් ජාතිය ඇමතුවෙ කට පුරාම "මයි ෆෙලෝ ඔස්ට්‍රේලියන්ස්"

කෙතරම් සුන්දර වදනක්ද
"මයි ෆෙලෝ ඔස්ට්‍රේලියන්ස්"

ජාති ආල ආගම් ආල කුල මල මක්කාවත් නෑ
හැම කෙනාම එකම ගොඩක එක සමානයි
රටේ නායකයම අපි හැම කෙනාම වචන තුනකින්
එකම මට්ටමකට ගත්ත ...

ඉතිං අපිට වන් තිංග් ෆො ෂුවර් ...

අද රෑට කාගෙවත් ගෙවල් පිච්චීමක්
ගල් ගැහීමක් ඇඳුම් ගලවා පහරදීමක් නැතිව
දිනපු පැරදුන හැම එකාටමත්
ඡන්දය දුන් නොදුන් හැම එකාටමත්
සුව පහසු නින්දක් ...

හෙට තවත් නව දවසක්
හෙට සිට නව රජයක් ...

අනෙක් එකාගෙ දිනුම බලාන ඉන්න බැරිව
ගොං ටෝක්ස් දැම්මත් ඒ අපේ එකෙක්ම වෙන්ටැ
උං නං තාම හැදිල නෑ ...
~~~~~

අපේ උන්නං ...

බාගෙ බෝතලයකුයි බත් පැකට් එකකුයි දීල
පන්දාහෙ කොලයකුත් සාක්කුවට දාලා ...
නගර සභාවෙන් බස් පුරවං කස්ටිය ගෙනල්ල
නළුවො නිළියො ගායකයො ගායිකාවො
නිවේදක නිවේදිකයො  මහානායකයො
ඇතුළු මෙකී නොකී හැම එකාම අගනුවරට ගෙන්නල ...

පොලිස්පතියි ආමි පතියි නේවි පතියි එයාෆෝස් පතියි
සීරුවෙන් ගොනාට අන්දල ...

පලමුවත් රට
දෙවනුවත් රට
තෙවනුවත් රට කියල
රට ජාතිය ආගම ඉස්සරහට දාලා ...

අපේ එකා වැරදි කලා තමයි
ඒ උනාට අපි කිරිබිලි හවුස් එකේ ගේට්ටුව කඩල
මරල හරි ආයෙ ආණ්ඩුව ගන්න ඕනෙ කියල
ගෝතයො ගෝතියො ෆෝම් කරල  ...

මයෙ අප්පච්චියේ අවසානෙනං හිතාගන්නවත් බෑ බං ...
~~~~~

වැවයි දාගැබයි ගමයි පන්සලයි
බෞද්ධ රටයි බෞද්ධ සංස්කෘතියයි
කෙතරමි සුන්දරද ...

ඒත් සිතිවිලි කෙතරම් ම්ලේච්ඡද ...

ගුඩ් නයිට් ඕල් !

Monday, February 28, 2022

එකෙක් පිටියි පොලුයි වතුරයි ලුනුයි කවලම් කරල මම ආප්ප කෑව කියනව ...

අනෙකා පිටියි පොලුයි වතුරයි ලුනුයි කවලම් කරල මම රොටි කෑව කියනව ...

තවෙකෙක් පිටියි පොලුයි වතුරයි ලුනුයි කවලම් කරල මම පිට්ටු කෑව කියනව ...

අන්තිමට මේ ඔක්කොම ...
මක්කැයි බං කාල තියෙන්නෙ ??????

සරල වුනාට
ඉතාමත් ගැඹුරැ ධර්මයක් අන්තර් ගත වෙලා තියෙනව මෙතන ...

හිතනවනම්
පටිච්ච සමුප්පාදයට යනකම්ම හිතන්න පුළුවන් ...

මම ඕක ඇහැව්වෙ මාන්කඩවල සුදස්සන හාමුදුරැවන්ගෙ බණ පදේක ෴

ඩිංගිත්තක් ගැඹුරට හිතල බලාපල්ල ...

හැමදාම කියන්න වගෙ ඔලුව තියෙන්නෙ
පනාව අරගෙන කොන්ඩෙ පීරන්න විතරක් නෙවි බං ...

*****

Wednesday, February 16, 2022

මෙවන් දේශයකට අනුකම්පා කරනුමැන

ලෝරන්ස් මොන්සැන්ටෝ ෆර්ලින්ග්හෙට්ටි  ...


(උපත 1919 මාර්තු 24 - විපත් 2021 පෙබරවාරි 22)
ඇමරිකානු කවියෙකු, චිත්‍ර ශිල්පියෙකු හා සමාජ ක්‍රියාකාරිකයෙකු වේ.
ඔහු කවි, පරිවර්තන, ප්‍රබන්ධ, නාට්‍ය, කලා විචාර සහ චිත්‍රපට ආඛ්‍යානයන්හි (narative) කතුවරයා ය.  
ෆර්ලින්ග්හෙට්ටි වඩාත් ප්‍රසිද්ධ වන්නේ ඔහුගේ පළමු කාව්‍ය සංග්‍රහය වන "A Corny Island of the Mind -1958"
එය භාෂා නවයකට පරිවර්තනය කර ඇති අතර පිටපත් මිලියනයකට වඩා අලෙවි වී ඇත

102 වියැති මෙම කවියා 2021කෙ පෙබරවාරි 22 මෙලොව හැරගියහ ...


ඔහුගේ උපන් දිනය වන මාර්තු 24 වන දින
 "ලෝරන්ස් ෆර්ලින්ග්හෙට්ටි දිනය" ලෙස සැන් ෆ්රැන්සිස්කෝ නගරය විසින් ප්‍රකාශ කර ඇත ...

ලෙබනන්-ඇමරිකන් ජාතික කවියකු වූ
"කලීල් ගිබ්රාන්" 1883-1931ගේ කෘතියක් ඇසුරෙන්
"Pity The Nation" කවිය ෆර්ලින්ග්හෙට්ටි ලියූවේ  2007දීය ...

*****
පහත ඇත්තෙ "Pity the Nation" කවිය
අයිස්මෝල හන්දියේ අතුලයාට තේරුම් ගිය අයුරුය ...

අයිස්මෝල හන්දියේ අතුලයා
වසර විසිහතක් කැන්ගරු දේශයේ ජීවත්වුවද
තවමත් දන්නා සිංහලෙන් සිතා 
නොදන්නා ඉංගිරිසියෙන් සුද්දන් සමග අදහස් හුවමාරු කරගන්නා එකෙකි ...

"අතුලයා නොදන්නා ඉංගිරිසි  සිංහලට පරිවර්තනය කිරිමේදී
වැරදි සිදුවී ඇත්නම් සමාවන්න"

*****

~~ මෙවන් දේශයකට අනුකම්පා කරන්න ~~

" එඬේරුන් වැනි නායකයින්ගෙන්
බැට කමින් නොමඟ යන  
බැටළුවන් වැනි ජාතියට අනුකම්පා කරන්න ...

වරප්‍රධානයෙන් පූජ්‍යයන් හා බුද්ධිමතුන් නිශ්ෂබ්ද කරනු ලැබ
මහා මෝඩයන්සේ වායු තරංගද හොල්මන් කරලන
බොරුකාර නායකයින් සිටිනා ජාතියට
අනුකම්පා කරන්න ...

ජයග්‍රාහකයන්ට හා සත්‍යයට ප්‍රශංසා කරනු වෙනුවට හිරිහැර කරන්නා
වීරයා ලෙස අගය කර ...
බලහත් කාරයෙන් හා වධ හිංසාවෙන් පාලණය කලද
එයට හඬ නොනඟන ජාතියට අනුකම්පා කරන්න ...

ස්වකීය භාෂාව හැර වෙනත් භාෂාවක් සහ වෙනත් සංස්කෘතියක්
ලොවෙහි වෙන නැතැයි සිතනා ජාතියට අනුකම්පා කරන්න ...
 
හොඳ නින්දක් යනු තමන් පමණක් පෝෂණයවී තමන්ගේ බඩ වඩා ගැනීමය ...
හුස්ම රැල්ල යනු වෙන කිසිවක් නොව මුදල්ම යයි සිතනා  
ජාතියට අනුකම්පා කරන්න ...

තම තමන්ගේ අයිතිවාසිකම් ඛාදනය වීමට ඉඩ දෙන
තම තමන්ගේ නිදහස තම තමන් විසින්ම සෝදා හැරගන්නා
ජාතියට අනුකම්පා කරන්න

ඔබගේ රට ඔබ ගැන කඳුළු සලයි ...

අහෝ ඉමිහිරි දේශයේ නිදහස ..."

~~~ ලෝරන්ස් ෆ(ර්)ලින්ග්හෙට්ටි ~~~

Wednesday, February 9, 2022


හරි බං හරි හරී මං නෑ කීවෙ නෑනෙ ...

ඒ කාලෙත් ඉඳල හිටල
දින පහේ ඒවා දින තුනෙන් ඉවරවුනා තමයි ...

ඒ කාලෙ කියුවෙ 94ට කලින් ...

(94ට පහු ඒව ගැන කතා කරන්න බෑ
මම හිටියෙ නැති නිසා)

මම මේහ් ...
ඒ කාලෙ පැරදුනාට කමක් නෑ කියල හේතු දක්වනව හෙම නෙවි ...

නමුත් 94ට කලිනුයි 94ට පසුවයි
පැහැදිලි වෙනසක් හැම පැත්තකින්ම තිබුනා ...

ඔය කියපු වෙනස මම දුටු හැටි සහ
මට වගේම තවත් ක්‍රීඩකයන් රොත්තකට බලපෑ හැටියි මේ ...

අනෙක් අයගේ අතීතය මම හරිහැටි නොදන්නා නිසා
මෙතනටද මාවම ඈඳන්නං ...

මම ඔතනට ආවෙ 82කේ මැද
ඔතන කියුවෙ සංචිතේට ...

මුලින්ම අපේ කාලෙ සහ අපිට කලින් සෙල්ලම් කල එවුන්
හවස හතර පහ වෙනකල්  මාසෙ පඩියට ෆුල් ඕන් රස්සාව කරල
4රෙන් 5හෙන් පස්සෙ ලංගමේ ෆුට් බෝඩ් එකේ එල්ලිල
පිටිය ළඟම හන්දියෙන් බැහැල පයින්ම පිටියට ඇවිල්ල ...

පුහුණව අහවර වෙල පයින්ම ගොහින් බස් එකට නැගල එතනින් ආයෙත් පයින්ම ගෙදර ගොහින්
පහුවදා ආයෙත්‍ හයට නැගිටල
බත් ගෙඩියක් සමිබෝලයක් එක්ක බැඳගෙන
පයින්ම පාරට වැඩල ලංගමේම ආයෙත් වැඩට ...

මේ කාල සටහන සතියේ දින පහම මතක ඇතිදා සිට
සංචතියෙන් පැන්ෂන් යනදා තෙතක් ...

ඔය කියුවෙ පුහුණුවට සහ සති අන්තෙ තරඟවලට පෙර
සාමාන්‍ය සරාංශයක් පමණයි ...

වැඩි විස්තර ඉන් ඩීටේල්ස් අවශ්‍යමං නං තව දෙතෑකි

ගෙවීම් නං නෑ
මාසෙ අන්තිමට අතට ලැබෙන පඩි පතෙන් තමයි සෑම වියදමක්ම
ඒ කියන්නෙ අතේ තියෙ තුට්ටු දෙකටත් තට්ටු මලේ ...

තමුන් ක්‍රීඩා කරන සමාජෙ සාමාජිකත්වයත් තමුන්ම
සල්ලි දීල ගන්න ඕනෙ
වැරදිලවත් මුදල් අගහිඟ වෙල ගෙවන්න අතපසු උනොත්
සාමාජිකත්වය අහෝසි කරනව කියල ලියුම එනව ගෙදරට
ඒ වෙලාවට අතමිට යහමින් තියෙන කාරුණික සමාජික මහත්තෙයක් ඒක ගෙවනව
නැතිනං අපි ක්‍රිකට් ගහන එක නවත්තල සෑහෙන කල්
ක්‍රිකට ගහන්න කලින් බඩගෝස්තරේ හොයාගන්න එපායැ බං ...

හැබැයි  දැන් එවුනුත් එහෙම ගහන්න ඕනෙ කියල
තුන් හිතකින් වත් කියන්නෙ නං නෑ ...

****

පුහුණුවට ආපසු ...

දැන් නං ඉතිං මහ කෝච් ඇරුනම
ෆීල්ඩිං කෝච්‍ බැටිං කෝ‍ච් ෆාස්‍ට් බෝලිං කෝච් ස්‍පින්‍ කෝච්
ෆිට්නස් කෝච් ඇනලයිසර්  ෆිසියො මැසියෝ
ඩයටීෂන් සයිකොලොජිස්ට්
කෝචිං ඩිවලොපමන්ට්ස් කොචිං එඩියුකේටර්ස් කෝචිං සෙමිනාර්ස්
බ්‍රේන් නොමැති බ්‍රේන් සෙන්ටර්ස්
මයෙ අප්පේ මොක්කුද මක්කද  බං නැත්තෙ ...

ඔයට අමතරව ඔය හැම එකටම වගේ ඇසිස්‍ටන්ලත් ඉන්නවනෙ බං ...

මයෙ අප්පේහ් ...
ටීම් එකේ එකොලහටත් වැඩියි කෝච්ල තොගේ ...

 
විශ්වාස කරපල්ල 94ට කලින් සංචතියට හරි කණ්ඩායමට හරි තේරුණ එකෙකුට  
ඔය කෝච්ල එකෙක්වත් නෑ ...

ඒ කාලෙ උන් ගැහුවෙ කෝච්ල නැතිව ...

අම්මපා බං ටුවර් වලටත් කෝච්ල නැත ...

ගමනා ගමනයට පමණක් සල්ලි දීල ටිකට් අරං
ලංගමෙන් මාර්ග අංක ගහපු රෝද හතරෙ කෝච් එකක් ඇත ...

ඉස්කෝලදි හිටිය කෝච්ගෙන් උගත් දේ තමයි සිරි ලංකා ටීම් එකට ඇවිත් පාවිච්චි කරෙත්
පසුව ජාත්‍යන්තරේට ගොහිං එවුන් එක්ක ගුස්පි ඇල්ලුවෙත් ඒ උගත් දෙයින්ම තමයි ...

මණ්‍ඩලෙන් කෝච් කියන නම දාල වෑන් සිල්වා සර්  හිටිය නෙට් එක රන් කරන්න ...

වසරක් දෙකක් විතර එංගලන්තෙ දොන් ස්මිත් මහත්‍තයත් ඕස්ට්‍රේලියාවෙ ඉඳල ඇවිත් හිටිය ...
 
රත්තරං මනුස්සය ...

හැබැයි ක්‍රිකට් වලින් නං ඉස්කෝලෙදි මේජර් සර් කියාදුන්න ඊට වැඩිය ...

එදා කෝච්ලට වැඩිම උනොත් මාසෙට රුපියල් තුන් හාරදාහක් ගෙවන්න ඇති ...

අනෙක අද කෝච්ලට වගෙ ඊසීබී ලෙවල් ෆෝ ඕස්ට්‍රේලියා ලෙවල් ත්‍රී හයි ෆෆෝමන්ස්
බඩකඩුත්තු මක්‍කවත් නෑ ...

වෑන් සර්ට නං තිබුනෙ "අබු ෆුවාඩ් ලෙවල් සික්ස් විතර"

පුහුණුවට ආවම වෑන් සර්ගෙ කටේ තිබුනෙ එකම වාක්‍ය තමයි ...
 
"අයිසේඒඒඒ ඈස් අබූ සේඒඒඒස් "

ඕං ඔයිට එහා නෑ එයාට ...

ඒ කියන්නෙ වෑන් සර් පියුං මහත්තය වගේ ...

උන්දැලත් ඉතිං අපිටම හොඳයි
හොඳ අහිංසක රත්තරං මනුස්සය ...

හොඳට තීන අත පය තව තවත් හදනව ඊට එහා දෙයක් නෑ ...

"අනේ සර් අම්ම අප්ප ඕව
පොඩි කාලෙ ඇද ඇරල හැදුව ආයෙ හදන්‍න අවශ්‍ය නෑ"  කීවම
කටපුරා හිනාවක් දාල තමුසෙත් එක්ක මොකුත් බෑ ඔයි කියල යනව ...

අසූ තුනේ ලෝක කුසළාණෙට පමණක් ගාෆීල්ඩ්‍ සෝබර්ස් ශ්‍රීමතානන් ඇවිත් හිටිය මාස තුනකට විතර ...

එතුමා නිසා මටත් මහ රැජිනත් එක්ක බකිංහැම් මාලිගාවෙ කොක්ටේ‍ල් ගහන්‍න අවස්ථාව ලැබුන ...

නැතිනං අයිස්‍ මෝ‍ල හන්දියෙ අතුලයට මොන වර්ල්‍ඩ් කප්‍ද බං
කපපු කැපිල්ලට ...

සෝබර්ස් උතුමානන් බුදුන් දැක නිවන් දකින්න ඕනෙ ...

ක්‍රීඩකයන්ගෙ පුහුණුවත් ඉතාමත්ම අඩු පහසුකම් යටතේ ...

එන්සීසිය පැත්තක තිබුන පුහුණු  තීරු තුන හතරයි ...

ඒකෙත් සමහර දවසට බෝල කටේ ...

එදාට ඉතිං අපි තමයි මුලින් බැටින්
මහ උන් රෙස්ට් අපි බිලි බෝයිස් ...

ඒකෙම පැත්තක තිබුන ඉන්ඩෝ නෙට් එකේ ගඩ ගඩ සද්දදෙට
කෑලි වෙව්ලන බෝලිං මැෂින් දෙකයි  ...

ඒව පාවිච්චි කරන්‍න ඉන්ඩො එක බලාගන්න
සනි අයියගෙ රුස්පොට්‍ බලන්‍න ඕනෙ ...

පුහුණුව අතරෙ තිබහ උනොත් කට තියාගෙන බොන්න
එන්සීසියෙ මලකඩ පයිප්පෙයි තමයි අපේ සන්තකේ ...

පහුකාලෙක වතුර සැපයුව ...

ඒ කීවට බෝතල් වතුර නෙවි ...

ලොකු බාල්දියකට අර කලින්‍ කියපු පයිප්පෙන්ම
කට කැපෙන්න වතුර එකක් පුරවගෙන අයිසුත් දාගෙන ...
 
අපේ මාතර ලකිය නෙට් එක ලඟට ගේනව ප්ලාස්ටික් කෝප්ප දෙක තුනකුත් සමග ...

පාරෙ පයිප්පෙන් උනාට අයිස් දාපු වතුර එකත් අපිට ෆුල් ලක්ෂරි ...

අම්මපා බං කිව්වට විශ්වාස කරපල්ල ඔයිං එහා පහසුකමක් අපිට තිබ්බෙ නෑ

90වෙ මුල බාගෙ විතර ඉඳල
ඉඳියප්පයි මසුයි පරිප්පුයි බිතරේකුයි දුන්න බිකෝසූල් විටමින් පෙත්තකුත් සමග උදේට ...

ඒවනං ඉතිං දිව්‍ය භෝජන තුන් වේලම කඩෙන් ගල් මිශු බත් ගෙඩිය කාපු අපිට ...

පාළක මණ්ඩලයත් මූල්‍ය අතින් ඉතාමත් පහත් අඩියක ...
ඉතිං අපි ගැන මොන කතාද ...

ඇයි අමාරුවෙන්‍ කඹුරල එතනින් ලැබෙන දෙයක්නේ
අපිටත් සාක්කුවෙ දාගන්න දුන්නෙ ...

ඒ කියුවෙ ක්‍රීඩකයන්‍ට සංචාරයකින් අපිට ලැබෙන සොච්චමෙන්
ගානක් කපාගෙන තමයි මණ්ඩලෙත් රන් එක දුන්නෙ ...

ඒ කාලෙ නෑනෙ බං ස්පොන්සර්ස්ලයි ටීවී රයිට්ස් ගන්‍නයි එවුන් ...

මණ්ඩලේ මූලස්ථාන කාර්යාලෙ මහතැනගෙ ඉඳල පියන් දක්වා
වැඩ කලෙත් හත් අට දෙනෙක් පමනයි
ඒ වැයිනුත් බාගයක විතර හොනරරි ජොබ්ස්  ...

දැන් නම් ලංකාවෙ ජනගහනයෙන් අටෙන් එකක් විතර එතන ඉලක්කං හයේ පඩියට...

තව තව කමිටු තිබුන තමයි ....
ඒත් ඒ මහත්වරු තම තමන්ගෙ රස්සාවල් කරල හැන්දෑවට
රුස්වීම් වලට පමනයි මණ්ඩලේට ආවෙ

ඒවටත් සත පහක්වත් ගෙවීම් නෑ ගරු කටයුතු වැඩ  ...

සෑම සංචාරයකදි සෑම පැත්තකින්ම මේ මූල්‍ය මදකම පෙන්නුම් කලා ...

ඒ දවස්වල ක්‍රීඩකයන්ට ගෙවපු මුදලෙන් රටකජු කන්නත් බෑ  ...

මගේ මුල්ම සංචාරය 83නේ ලෝක කුසළානය එක ක්‍රීඩකයෙකුට පවුම් නව සීයක් සති හයකට ...

දවල්ට රෑට කෑමට කිලිටි ඇඳුම් සෝදගන්න වෙනම සුළු ගානක් අමතරව

එතකොට පවුම රුපියල් 35ක් 38ක් ...

සංචාරයක් යන කණ්ඩායමකට නිළධාරීන් ගත්තත් දෙදෙනෙක් පමනයි

කළමණාකරු සහ  සහායක ...

සංචාරක පුහුණුකරුවෙක් ගැන හිතලවත් නෑ ...

රට යනකොට ප්ලේන් එකෙත් තුන්වෙනි පංතිය ...
එහෙම කියුවම යන එවුන්ගෙ හිතට හරි නැති නිසා ඒකට
එකොනොමි ක්ලාස් කියලත් කියනව ...

ක්‍රිකට් ආම්පන්න ඇඳුම් පැළඳුම් ඇතුළු ගමන් මලු
අපේම වියදම්න් අපිම හොයාගන්න ඕන

රට යනකොට බෑග් දෙකටම  කිලෝ විස්සයි ...
බර වැඩි නං එක්සස් බැගේජ් අපිම ගෙවිය යුතුයි කිලෝ ගානට
නව ක්‍රීඩකයන්ට වගේ බැට් දහය පාලහ නෑ
ක්ලබ් එකේ කිට් බෑග් එකෙන තව එකක් ඉල්ලං යන්න හැකි වුනත්
කවුද බං එක්සස් බැගේජ් ගෙවන්නෙ ...
ඉතිං රට යනකොට එක් බැට් එකයි
ඒක කැඩුනොත් තව ක්‍රීඩයෙක්ගෙන් ඉල්ලගෙන ගහනව ...

හැබැයි යන්නෙ නං රට නියොජනය කරන්න ...

"ටු රිප්‍රසන්ට් ද කන්ට්‍රි"

අනේ බං ඉඳල ඉඳල අවුරුදු ගානක් කඹුරල සංචාරයක් ලැබුනම ...
ඒ ලැබෙන තුට්ටු දෙකෙන් එක්සස් බැගේජ් ගෙවන්න ???
කාට කියන්නද මේ හරුප ...

ඇයි බං අම්මට අක්කලට සාරියක් සායක් ගන්න අයියලට කමිසයක් දෙකක් ගන්න අපි මුදල් ගෙදරින් ගෙනියනවයැ ...
ඉතිං ගෙදර උන්දැලට ගන්න තෑග්ගෙන් තමයි එක්සසු බැගේජ් ඒක අඩුකරන්නෙත් ...

තරු තුනේ හෝටලයත්  ඉතාමත් අමාරුවෙන් තමයි ලැබුනෙ ...

ලංකාවෙ සෙල්ලම් කළ ජාත්‍යන්තර තරඟ වලට බෑග් එකත් උස්සගෙන යන්නෙ
ගෙදර ඉඳල ලංගමේ පිහිටෙන් තමයි ...
බස් හොල්‍ට් එකේ බැහැල පිට්‍ටනියට පයින්

භෞත චිකිත්සක කෙනෙක් ඇස් දෙකට දැකලවත් තිබුනෙ නෑ
ගාල්ලෙ මහ ඉස්පිරිතාලෙ මනුස්සය ඇරුනම ...

ඒකා බලන්නත් උදෙන්ම ගිහිං තුණ්ඩුවක් ගත යුතුයි ...

fපිසියො කියල කිව්වම "ඒ මොකාද බොල ඒ"
කියල අහපු කාලෙකුත් තිබුන ...

අපේ කාලෙ එවුන් යුනිfපෝම් කියන්නෙ මොනවද කියල දැනගෙන හිටියෙත් නෑ .....

අපි හිතුවෙ යුනිfපෝම් කිව්වම ත්‍රිවිධ හමුදාවටයි පොලීසියටයි බන්ධනාගාර නිළධාරීන්ටයි විතරයි ඒව තියෙන්නෙ කියල ....

ඉතිං සංචාරෙකදි හෝ ලංකාවෙදි පුහුණු වීම් වලට
එක එකාට තියෙන විදියට
ටී ෂර්ට් දෙක තුනක් ගෙනියනව
නැතිනම් කාගෙන් හරි ඉල්ලගෙන යනව

මමත් මුල දවස්වල අයියගෙ (AJ) පිහිටෙනුයි යාළුවන්ගෙ පිහිටෙනුයි  තමයි හිටියෙ ....

ටීම් වෝම් අප් එකට බැස්සම හින්දි චිත්‍රපටියක් වගේ ඊස්ට්මන් වර්ණ
 
එක එකා එක එක පාට අහිංසක සමණළයො වගේ ....

ඇඳන් යන්න දෙන කබාය (Blazer) හදිසියෙවත් ඉරුනොත් ...
අමරදේව මාස්ටර්ගෙ කබාය ඉරිලා සිංදුව ගහගෙන තමයි ඉන්න වෙන්නෙ ...

අළුත් කබායක් ගන්න පිංසෙන්ඩු වන්න වෙනව ...

ඉබ්බෙක්ගෙන් පිහාට්ටක් ගන්න පුළුවන් ඊට පහසුවෙන් ...

ඇයි ටයි පටිය ...
ඒකට මක්කවත් උනොත් ලියුමක් ගහල උන්ට පිලිගන්න පුළුවන් හේතු කියල
නාහෙන් අඬන්න වෙනව අළුත් ටයි පටියක් ගන්න
ග්‍රාමසේවක සහතිකේ විතරයි ඉල්ලන් නැත්තෙ ...

මම අවුරුදු තුන හතරක් විතර පාවිච්චි කලෙ එකම ටයි එක ...
ඇයි ලංකාව නියෝජනය කරන්න යන්න ටයි එක මාරු කරගන්න
උන්ට ලියුම් දීල හැත්තෑ හතරට විතර නැවෙනවට වැඩිය හොඳයි පරණ එකම පාවිච්චි කරන එක ...

අනෙක ඉංගිරිසියෙන් එපැයි ලියුං ලියන්නත් බං ...

"හුහ් අපි නොදන්න ඉංගිරිසි"

මැච් වලටත් එහෙමයි ...
තියෙන විදියට සුදු ඇඳුමක් දෙකක් සූට් කේස් එකට
නැතිනම් ට්‍රැවලින් බෑග් එකට ඔබා ගන්නව ...

සිංහය පපුවෙ ගහපු කමිස ඒකාලෙ එකෙකුටවත් තිබුනෙ නෑ ඒ...

හැබැයි සිංහය ...
පපුවල විතරක් නෙවි කැවුත්තෙත් අපිම කොටා ගෙනයි තිබුනෙ ...

රෝද සමග ක්‍රිකට් බෑග් තියා නිකං ක්‍රකට් බෑග් තිබුනෙත් නැත
අනෙක් ඒවත් එහෙමම තමයි ...

ක්‍රීඩා සමාජෙ කිට් බෑග් එකට පින්සිද්ද වෙන්න
අපිට ඇති තරම් බඩු තිබුන ...

මුල් කාලෙ අපිටම කියල දෙයක් තිබුනෙම නෑ ...

මමත් 83නේ ලෝක කුසළානෙට තේරිල එංගලන්තෙට යනකොට
ටැමිල් ක්ලබ් එකේ කිට් බෑග් එකෙන් තමයි බැට් එකයි බඩු ටිකයි ඉල්ලගෙන ගියෙ

ගිහිල්ල ඇවිත් ආපහු ඒ විදියටම බාර දුන්න ...
නැත්නම් ක්ලබ් එකේ අනෙක් උන්ට සෙල්ලම් කරන්න බඩු නෑ ...

ඔය තමයි අපේ කාලෙ උන් ගහපු හැටි ...

උඹල හීනෙකින්වත් හිතන් නැතුව ඇති මෙහෙමත් කාලයක් තිබුන කියල ...

අපිට කලින් සෙල්ලම් කල අයට මීටත් වඩා අන්තයි ...

හැබැයි ඉතිං එහෙම කලේ මණ්ඩලෝ නැති බැරි කමට මිස
අද වගේ බහිරවයො ගහල නං නෙවි ...

ස්වේච්චාවෙන් වැඩ කරල තමන්ගෙ අතේ තුට්ටු දෙක වියදම් කරල
ප්ලේයර්ස්ල බලාගත්තු මහත්වරු තමයි වැඩියෙන්ම  හිටියෙ ...
 

ඕං ඕකයි වෙනස ...
*****

මේ අඬනව නැතිනම් ...
අනෙක් උන්ට ඉරසියාකරනව නම් නෙවි .

තුන්හිතකවත් එහෙම දෙයක් නෑ ...

අද කාලෙ ටික් ටොක් රසිකයන්ට අර මම මුලින් කී වෙනස දැනගන්නයි සඳහන් කලේ ...

ක්‍රීඩකයන්ට හොඳට ගෙවන්න ඕනෙ ...

මොකද බොක්කෙන්ම ගේමට බහිනවනං පුදුම කැප කිරීමක් අවශ්‍යයි

හැබැයි ඒ ගෙවීම් සාක්කුවෙ දාගෙන රටටයි බොක්කෙන්ම ක්‍රීඩාවට ආදරය කරන රසිකයන්ටයි ණය කාරයන් වෙන්නෙ නැතිව ...

*******

Thursday, February 3, 2022

ඉන්ඩිපෙන්ඩන්ස් ...

නිදහස

කට්ට අව්වේ අහිංසක පාසැල් දරුවන් දහස් ගණනක් සහ
ගුරුවර ගුරුවරියන් වේලීම ...

සන් ග්ලාස් දා ගත් හා ලිප්ස්ටික් උලාගත්
ආර්යාවෝ ටික කූලර් සහිත කූඩාරමේ හිඳගෙන පොත් පිංචෙන් පවන් සැලීම ...

ජන පීඩකයන් උස පිළිවෙල අනුව පැමිණීම සහ
ඊට කළින් පැමිණි එවුන් එන එන එකාලාව පිලිගැනීම ...

ගිරිය කඩාගෙන බෙරිහන් දීමෙන් පසුව ..
බෑන්ඩ් ගැසීම ...
කොඩි ඉස්සීම ...
දේවෝ වස්සතු කාලේන කීම ...
විනාඩි දෙකක් කට වහගෙන හිඳීම ...

ගිය අවුරුද්දේ ලැබුණු හිඟමන් වලට
වෙච්ච දේ ගැන පුරසාරම් කීම ...

මේ වසරේ ජිනීවා කොහොල්ලෑ බබාට උඩ පැන පැන

ජිට් කොන්ඩෝ ෂොට් දෙන හැටි කීම ...

සකළ ලෝකයාම අපට කෙළින්නට
බලාගෙන ඉන්නා බව කියන පැරනොයිඩ් බිය වැද්දීම ...

අතරින් පතරට නොදන්න දෙමළ කථා කර ලෝකයා හිනැස්සීම ...

යල් පැන ගිය යුද අවි පෙළපාලියේ ගෙන යාම ...

දවස පුරා ලේ නටන කවි සින්දු දැමීම ...

ප්‍රාදේශික වශයෙන් ඉන්නා මහා ඇමති ගවයන් ඉදිරියේ
ඒ ඒ පළාතේ අහිංසක පාසැල් දරුවන් සැලිවුට් ගසාගෙන පෙළපාලි යෑම ...

පුරන් අප්පු චිත්‍රපටිය
එකසිය හැත්තෑ අටවන වතාවටත් පෙන්නීම ...

සුද්දෝ වී.අයි.පී කූඩාරමේ ඉන්දෙද්දී
සිංහලෙන් සුද්දාට බැනීම ...

"මේකනේ හසන්ත නිදහස කියන්නෙ ...
දැන් මට මළත් සනීපයි ...
අපිටත් ගොවි රජෙක් ඉන්නවනෙ හසන්ත"

යන වදන් පෙළ අසන්නට සැලැස්සීම ...

පල් හොරුන්ට පිරිත් නූල් බැඳීම ...

යනාදි ලොමු ඩැහැ ගන්වන දර්ශණ රැසක් ඇතුළත්
වාර්ෂික  සොමිය  ...

--------

(කතෘ නොදනිමි)

Tuesday, January 25, 2022

හම් ඔලුවෝ ඇන්ඩ් පන්ක්ස්




හම් ඔලුවෝ නොහොත් ස්‍කින් හෙඩ්ස්

83නේ ලෝක කුසළාණෙට එංගලන්තෙ ගිය අපිට ක්‍රිකට් වලට අමතරව පිටියෙන්‍ පිට තිබුන එක ප්‍රශ්ණයක් තමයි කෑම ...

ලංකාවෙදි කරවල කෑල්ලක් පුච්චල
බතයි සම්බෝලෙයි පරිප්පුයි කාල පුරුදු අපිට ...
 
කිසිම ලුනු ගම්මිරිස් රහක් නැති
සුදු මහත්තරුන්ගෙ නෝනලගෙ තම්බපු මස් කෑල්ලයි
හාවුන්ට දෙන සලාදෙයි අරහං ...

ඉතිං අපි කෝඩුකාරයො ටික එකතුවෙල ඉක්මනටම බත් කල්ලියක් හදා ගත්ත
නැතිනම්‍ එංගලන්තෙදි සීතලෙයි  බඩගින්නෙයි
මැරෙන්න වෙයි කියල හිතල ...

ඒ කියුවෙ මම ග්‍රැන්විල් බ්‍රෙන්ඩන් විනෝදන්
Granville De Silva  Vinothen John Brendon Kuruppu

ඉඳල හිටල තවත් එකෙක් දෙකෙක් එකතු වුනා අපි සෙට් එකට ...

ඒ තමයි අපි කිහිප දෙනෙකුගෙම
කුළුඳුල් ශ්‍රී ලංකා සංචාරය ...

වැඩි වෙලාවට හතරදෙනා විතරක් සෙට් වෙන්නෙ
ටැක්සියට ෆිට් වෙන්නෙ හතරදෙනා නිසා ...

අනික අපි හතර දෙනාම හතර රියන්
එංගලන්තෙදි තඩි සීතල කබාත් දා ගත්තම
අපි හතරම ආනල්ඩ් ස්වාසනාදන්ගෙ මල්ලිගෙ යාළුවො වගේ තමයි
ටැක්සියෙන් එකයි ...

ඒවා පත ටැක්‍සි නොවන්න ඩ්‍රයිවර්ටත් යන්න වෙන්නෙත් එලියෙ ...

වෙන රටවලදි ප්‍රාන්ත අතර ගුවන් යානයෙන් ගමන තිබුනට
එංගලන්තෙදි සාමාන්‍යයෙන් ප්‍රාන්තයෙන් ප්‍රාන්තයට තරඟ වලට යන්නෙ බස් එකෙන් ...

බස් එක කීවට පෝලිමේ ඉඳල
ටිකට් අරං යන ලංගමේ නම් නෙවි මේ ..

අපිටම කියල එංගලන්තෙ ක්‍රිකට් මණ්ඩලයෙන් පාවිච්චියට දීල තිබුන
අති සුඛෝපභෝගී බස් රියෙන් ...
 
බස්ර රිය ඇතුලෙම හදිසියකට යන්න වැසිකිලියක් වගේම
තේකක් කෝපියක් හදාගන්න පුංචි පැන්ට්‍රියකුත් තියෙනව ...

ඩ්‍රයිවර් මහත්තයත් හරිම හිත හොඳ මිනිහ
අපිට පන දෙයි ඕනෑ වෙලාවක ...

ඒත් ඉතිං
ඉස්සර අපෙ වැකුණගොඩ බස් එක ආම්බාම් කරපු ඩ්‍රයිවර් මහත්තය වගේ
කොණ්ඩෙ වවාගෙන සරමයි බැනියමයි ඇඳල නලල පුරාම සිද්ධාලේප උලල නෑ මෙයා ...

 
මේකා බස් එක එලවන්නෙ
සන්‍ග්ලාස් දාගෙන වැස්ලින් ගාල පැත්තෙන් ඉර තියල
කොණ්ඩෙ බෙදල පීරල
ටයි කෝට් දමාගෙන ෆුල් නීට් එකේ තමයි ...

ඒ අස්සෙ අපිට වගෙ නෙවෙයි ඒකට ඉංග්‍රීසිත් බඩ යනව ...

ඉතිං ඔය බස් එකේ එක ප්‍රාන්තයක ඉඳල අනෙක් ප්‍රාන්තයට යනකොට
බත් කල්ලියෙ ප්‍රධානම කාරිය තමයි නවතින හෝටලේට ළඟම ඇති
බත් කඩ ලකුණු කර කර යන එක ...

ඒයි මචං ජෝනා මෙන්න ඉන්දියන් එකක් ...
තව ටිකක් දුර ගියහම
මචං ග්‍රැනා මේ චයිනීස් පාරක් ...

බ්‍රෙන්ඩ මචං බංගලි කඩේකුත් මෙතන
අතුල මචං තායි පාරක් ...

ඕක තමයි ඉතිං අපේ වැඩේ ...
සෝ‍(ර්)බස් උන්නාන්සෙත් ඔලුව කහ කහ බලනව
මේ මොකද මුන්ට වෙලා තියෙන්නෙ කියල ...

ඇයි බං ඉතිං මැච් තියා ඕමි අතක් ගහන්නත් බතක් කාල ඉන්න එපායැ
නැතිනං ඇඟට හරි නෑ ...

ලන්ඩන් පැත්තට ආසන්න තරඟ ඇති දවසට අපිට ජයයි ...

ලන්ඩන් ආසන්න වාසී ශ්‍රී ලාංකීය ජනතාවගේ ආගන්තුක සත්කාර ඉහලින්ම ...
සෑමදෙයක්ම ඉහටත් උඩින් ...

ඒ මදිවට පාන්දරින්ම නැගිටල
දරුමල්ලොත් අන්දගෙන කෑමට අමතරව
වඩෙත් බැදගෙන කඩලත් තම්බගෙන රොටිත් පුච්චගෙන ...

හම්මේ ...
ඒ ඇත්තාෙ ගන්න මහන්සියක් අපි වෙනුවෙන්  
වැඩි වැඩියෙන් ලැබෙන්නෝන ඒ හැමටම
ඉස්තූති වෙච්චාවෙ ...

දවසක් ඔය වගේ කලින් හොයාගත්ත හෝටලයකට
රෑ කෑමට එළියට ගිය වෙලාවක කෑම කාල ආපිට ආවෙ පයින් ...
(රෑ කෑමට තමයි කොහොමටත් එළියට යන්නෙ
උදේ කෑම හෝටලයෙම දවාලට ග්‍රවුන්ඩ් එකෙදි දෙන ලඩයක්
ඩිනර්ස් එක ඉතිං අපෙ හිතේ හැටියට)

ඕක තමයි අපේ රූටින් එක ...

ලකුණු කර ගත්තු කඩේට ටැක්සියෙ ගොහින් කෑම කාල ආපිට ගමන පයින් ...

කරුණු කිහිපයක් මත

එක ...
ගානක් ඉතුරු කර ගන්න ...
(මම මුලින් සටහනක ලියල ඇති
අපිට ලෝක කුසළාණ සංචාරයට ලැබුනෙ
බ්‍රිතාන්‍ය පවුම් නම සීයක් විතර කියල)

දෙක ...
බත ගහල කිලෝ මීටරයක් දෙකක් පයින් යනකොට තියෙන සැප ...

තුන ...
රාත්‍රියට උනත් නගරයෙ වීදි වල සොබාව දැක ගැනීම හා එංගලන්තෙ සීතල අත්විඳීම ...

නැතිනම් හෝටලෙන් ටැක්සියට ටැක්සියෙන් බත් කඩේට
ආයෙත් බත් කඩෙන් ටැක්සියට
ටැක්සියෙන් හෝටලයට
හෝටලයෙන් ඇඳට ...

ගතියක් නෑනේ බං
එංගලන්තෙ ආවම රටේ ලැයිට් කණුවක් හරි දකින්න එපායැ
අයිස්මෝල හන්දියෙ එවුන්ට ගොහිං කියන්න මක්කවත් තීන්නත් එපායැ බං ...

ඉතිං ඔය කියාපු දවසෙත් රෑ
අපි බතෙන් සප්පායම් වෙල හෝ‍ටලේට ගාටනව
 
හතර රියන් අපි හතරදෙනා උරෙන් උර ගෑවිල යනකොට
පාරෙන් එකයි වෙන කාටවත් ආයෙ
අපිව පහුකර යන්නවත් මාරු වෙන්නවත් නම් බෑ ...

අනෙක ඉතිං අපි
හාමුදුරුවො පිණ්ඩපාතෙ වඩිනව වගේ බිම බලාගෙන
සද්ද නැතිව යන්නෙත් නැහැ නෙව බං ...

කතා කිය කිය එක එකාට කාඩ් ගහමින් හිනහවෙන් නිදහසේ රිලැක්ස්ම ගමනක්
වැඩියෙන්ම යන්නෙ ඉංගිරිසි කාඩ් තමයි
දවාලෙ සුද්දෙක් එක්ක කතා කරනකොට කාට හරි වචනයක් වැරදුනාද
ඕං ඉතිං කාඩ් ...

අපි කාල බීල හෝටලේ පේන තෙක් මානෙකටම එනකොට
ඕං අපිට පෙනුන හන්දියෙ ඔරලෝසු කණුව වගෙ තැනක
දහ දොලොස් දෙනෙකුගෙ පුංචි ගැන්සියක්
කන් පැලෙන සද්දෙට එන්ජින් රේස් කරන මෝටර් සයිකල් දහයක් පාලහක් ...

අමුතුම කොන්ඩා මෝස්තර
දෙපැත්තෙම තට්ටෙ
මැද්දෙ රෝම සොල්දාදුවන්ගෙ හිස්වැසුම වගේ
අඟල් හයක් විතර උසට ඉනිහිටවල වගේ උල් කොණ්ඩේ ...

එකෙකුගෙ තට්ටෙ මැද්දෙ මුලින් කියුව
කානු වගේ ඉරි තුනක් ...

තවෙකෙකුගෙ ඔලුව පුරාම  පතොක් හිටවල වගේ  උල් උල් කොණ්ඩෙ ...
 
ගමේ මුං එකෙක්වත්‍ හිටියනං හදිසියකට පොල් ගෙඩියක් ලෙලි ගහගන්නත් තිබුන කොණ්ඩෙ ගහල ...

ඇයි බං ඒ මදිවට ඒවා දේදුනු පාට ...
උන්ගෙ සපත්‍තු කව්බෝයි සපත්තු වගේ
උල්වට යකඩ පතුරු අල්ලල ඉස්සරහටයි පස්සටයි ...
 
ගෙලේ දම්වැල් කනේ කරාබු නහයේ ජිම්නාස්ටික් වලලු ...

හරියට චීනකොරටුවෙ විමලේ අයියගෙ ගව පට්ටියෙ හිටිය
ගව සැට් එක වගේ නාස් ලණු දාපු ...

හැම තැනම හිල් කරල දම්වැල් දාල  
කොල්ලොත්‍ ඇස් ඇඳල කං ඉරාගෙන නහය පලාගෙන ...
යම පල්ලාෙද බං මේ කියලත් හිතුන ....

මීට කලින් මුන්ව දැකල තිබුනෙම නෑ මුන් ගැන අහල තිබුන මිසක් ...

දැන් අපි හතරදෙනාත් හරහට එක පේලියට හෝටලේ පැත්තට ඇවිදිනව ...

මුන් හත් අට දෙනෙකුත් අපිව දැකල බලාන ඉඳල
වාඩිවෙල හිටිය බයිසිකල් වලින් බැහැල කුටු කුටු ගගා අපේ පැත්තට එනව ...

හෝටලෙත් දැන් අපිට කෙලින්ම පේනව
ඒ උනාට දුවන්න හිතුනෙත් නෑ
ඇයි බං එදා දවාලෙ පිට්ටනියෙ ස්පොර්ට් මීට්
ඒ එක්‍කම අපිට තරුත් එක දෙක ලාවට ...
ඇඟත් නිල්වේගන දත කට පූට්ටු සයිස් එකේ ...
ඇයි බං මුන් එන පොට හරි නෑ ...

අපිට කෙලින්නම තමයි මේ එන්නෙ ...
අපි සද්දෙ දාගෙන එන විදිය මුන්ට ඇල්ලුවෙ නෑ ...

මුන්ගෙ වැයික්කිය මුන්ට ඒක මදි කමක්
අනික අපි කලුයි උන් සුදුයි ...

දැන් හුස්ම රැල්ල මූනෙ වදින ගානට ලංවෙල උන් ඇඟටමයි එන්නෙ ...

අපිත් නැවතිල නිල්වෙල ඒ මදිවට
සීතලට දිවත් ගල් වෙල ගොලුවෙල ඉංග්‍රීසි තියා සිංහල වචන එන්නෙත් නෑ ...

ඉතිපිසෝ ගාථාව කිවිවත් වැඩක් නෑ
ඇයි බං මුන් සුද්දො පාලි දන්‍නවයැ ...

අනෙක අපි ක්‍රිකට් ගැහුවට කරාටි ගැහුවෙ නෑනෙ ...

අත පය උස්ස ගන්නවත් බෑ සීත කබාවල බරට ...

හැබැයි ඉතිං අපි අතක් ඉස්සුවනං උන්ගෙ අත් හැට අටක් විතර
උන්ගෙ ඇසුත් නිකං ගිනි පුපුරු වගේ තරහෙන් ....

මුන්ට කරුණාව ගැන කියා දෙන්න එකෙක් නැතිද බං මේ රටේ
අඩුම ගානෙ අපි ගැනවත් හිතල ...

අපි හතර දෙනාටම උතුර දකුණ අමතකවෙල ...
අයිස් මෝල හන්දියෙ අතුලය
බෙලෙක් කඩේ ජෝනා පාමංකඩ බ්‍රෙන්ඩා මොරටුමුල්ලෙ ග්‍රැනා
බයිල තමයි ...

අපිට ගිනි සීතලෙත් දාඩිය දානව දත කට පූට්ටු වෙලා ...

හැබැයි ඒ වෙලාවෙම සුද්දගෙ ඩික්ෂනරියෙන් කියනවනං ...

ගෝඩ් දි එල්ඩර් බ්‍රදර් කැප්ටන්
අපෙ මූණ බැලුව ...

ඒ කියුවෙ අයිය නායක දෙවියො අපෙ මූණ බැලුව ...

අපි හතර දෙනාගෙන් මොකාගෙ වෙලාව හොඳද දන්නෙ නෑ ...
ඒ වෙලාවෙම එතනට පාත් උනේ
එදා දවල් අපි සෙල්ලම් කල තරඟය බලපු එංගලන්තෙ රසිකයො දෙන්නෙක්

ඒ දෙන්න එකතුවෙල අපි කව්ද කියල හම් ඔලුවන්ට කියාදීල උන්‍ට බැනල එලෙව්වෙ නැතිනං ....

අපි එදා හම් ඔලුවන්ගෙන් සම්බල් ...

ඇයි බං උන් කොණ්ඩෙන් ඇන්නත් අපෙ අඟල් හයක් බහිනව ...

************

83 කියන්නෙ හම් ඔලුවන්ගෙන්
පාට අයට සෑහෙන කරදර තිබුන කාලයක් ...

ඔවුනගෙ අතින් ජීවිත හානි පවා සිදුවුනා කියල ඒ කාලෙ පත්තරවල
මම කියවලත් තිබුන ...

ඊට පසු වසරේ සංචාරය කල කණ්ඩායමෙ සිටි රන්ජන් මඩුගල්ලටත් පහරදීල රාේහලෙත් හිටිය ...

ඉතිං අපිට එදා ගෝඩ් දි එල්ඩර් බ්‍රදර් කැප්ටන්
මාර උදව්වක් කලෙ  ...

අම්මප බං මම මේ විහිළුවෙන් කියුවට
මේක මාර සිරා කේස් එකක්
තව ඩිංගෙන් ෆේෂල් එකක් දාගෙනම එන්න තිබුන
මයෙ අමිමාපල් ...

Monday, January 10, 2022

AJ මයි බ්‍රදර් ...


ඒ ජේ මයි බ්‍රදර් ...

අද ජනවාරි දහය හිච්‍චි අයියගෙ උපන් දිනේ
කාලෙක ඉඳල පවුලෙ උපන් දිනවලට
අනෙක් නොයෙකුත් කටයුතු වලට මම නෑ වාසෙ සයුරෙන් එපිට නිසා ...
 
දුක තමයි මක්කයි ඉතිං කරන්නෙ බං ...

*****

අපි හැම කෙනාගෙම පවුල් සංස්ථාවල නොයෙකුත් හැඩතල
වැඩි දෙනෙකුටම වගෙ සහෝදරයො සහෝදරියො ඉන්නව එහෙම නැති අයත් නැත්තෙ නෑ  
ඒව ඉතිං තම තමන්ගෙ පාලනයෙන් පිට ...

මටත් හිටිය හතරක්
දෙකයි දෙකයි මම තමයි බඩපිස්ස

මම කලින් සටහනක සඳහන් කරා මට දහතුනේදි තාත්ත නැති වුනා කියල
ඒ දවස මට හොඳට මතකයි ...
 
තාත්ත හැමදාම වගේ පාන්දර පහට දුවන්න යනව  
මායි හිච්චි අයියයි  
තාත්තගෙ පස්සෙන් දුවනව ....

මොන හේතුවක් නිසා හරි ලොකු අයිය එකතු උනෙ නෑ
අපි දුවන්නෙ කෙලින්ම ගාලු මහජන කීඩාංගනයට ...

තාත්ත පාපන්දු ගහනව නැත්නම් ගාලු පිටිටනිය වටේ දුවනව
අපිත් බෝලෙකට පයින් ගහනව ...
 
ඉස්සර තිබුනෙ ලේස් කරන බෝල
ඒ කියන්නෙ හම් කවරෙ ඇතුලට බැලුම් බෝලයක් වගේ ටියුබ් එක ඔබල
බයිසිකල් පොම්පෙන් හුළං ගහල හම් කවරෙ ලේස් එකෙන්
සපත්තුව ගැට ගහනව වගෙ ගැට ගහනව ...

බැරිවෙලාවත් ගැට ගහපු තැනට පයින් හරි ඔලුවෙන් හරි ගැහුවොත්
ෆුට්බෝලෙ විතරක් නෙවි බෝලෙ හදපු එකාගෙ සනුහරෙත් එක්කම එපා වෙනව ...

එහෙම බෝලයක්වත් තිබුනෙ නැතිනම් අපි දෙන්නත් තාත්තගෙ පස්සෙ  දුවනව
නැතිනම් බිම පෙරලි පෙරලි ඉන්නව තාත්ත ඉවර වෙනකන් ...

ඒ කාලෙ අද වගේ එක කණ්ඩායමකට බෝල හැටක් විතර තිබුනෙ නෑ ...

මැච් ගහන හොඳ බෝලෙ හැර වැඩිම උනොත්
තව හමගිය බෝල දෙක තුනක් තියෙන්න ඇති පුහුණුවට ...

මහින්දෙ නං කෝකටත් තිබුනෙ දෙකයි
"බී" ටීම් බෝලෙයි "ඒ" ටිම් බෝලෙයි

සෙල්ලම ඉවර උනාම තාත්ත අපි දෙන්නට
ගාමිණි ක්ලබ් එක ලඟ බෝ ගහ අයිනෙ තිබුන
කිරි මණ්ඩලෙන් කල්කිරි කාලෙ බෝතල් දෙකක්
අරන් දෙනව බටේකුත් එක්ක දාල උරන්න ...

වෙනද වගේම එදත් ඔය රවුම ඉවරවෙල අපි ගෙදර ආව
ගෙදර ආපු අපෙ තාත්ත හිච්චි අක්කගෙන් තේ එකක් ඉල්ලල
ඉස්තෝප්පුවෙ තිබුන ඈඳි පුටුවෙ වාඩි උනා උනාමයි  ආයෙත් නැගිට්ටෙ නෑ ...

හිච්චි අක්ක තේක ගේන කොට තාත්ත අපිව අතෑරල මෙලොවින් ගොහින් ...

ඒ තමයි අපෙ තාත්‍තගෙ අවසන් උදෑසන
මියෑදෙන කොට තාත්තට පනස් නමයයි

ඒ 75හේ ජනවාරි 12හ
හිච්චි අයියගෙ උපන් දිනේ ජනවාරි 10ය

*****

එදා ඉඳල මට තාත්ත උනෙ හිච්චි අයිය
ඒ කියන්නෙ උඹල දන්න AJ ...

ලොකු අයිය හරිම අහිංසකය වැඩිය තැලිල පොඩි වෙල නෑ
තමන්ගෙ පාඩුවෙ වැඩක් බලාගෙන කාටවත් කරදරයක් නැතිව ඉන්න කෙනෙක්

අනික තමයි ලොකු අයියගෙයි මගෙයි වයස පරතරය අවුරුදු දාහතරක්
අනෙක් කාරණය තමයි
මම හැදෙන කාලෙ ලොකු අයිය හිටියෙ ගම්පොළයි ගලේවෙලයි රැකියාව කරමින්
නිවාඩු වලට තමයි අපි වැඩිපුර මුණ ගැහුනෙ
ඒ ඉතිං මාස තුන හතරකට වතාවක් ...

ඉතිං මම වැඩිය ලං උනෙ හිච්චි අයියට
එතන ඉඳල මුලු පවුලෙම බර වැඩියෙන් ගත්තෙ ලොකු අයියයි හිච්චි අයිය ....

හිච්චි අයිය එයාගෙ ඉගෙනීම නවත්වලා ඉස්කෝලෙන් අයින්වුනා අවුරැදු දහඅටේදි
උපාලි දෙල්පචිත්‍ර මහත්තය අරන් දුන්න පී ඩබ්ලිව්‍ ඩී එකේ ඕර්සියර් පට්ටමට
අපේ ඇස් පාදන්නයි බඩගෝස්තරේ හොයන්නයි
පුදුම කැපකිරීමක් ඒක ....

අපේ මුලු පවුලෙම ශක්තිය උනෙ ලොකු අයියයි
හිච්චි අයිය
මගෙ තාත්ත අයිය මිත්‍රය ...

පහු කාලෙක හිච්චි අයිය පොඩි අයිය උනා ...
ඒ කොළඹ උන් මට හිනාවෙන්න ගත්තම ගාල්ලෙ බාසාවට ...

තියෙන ඒව මදිවට තවෙකක් ඕන නෑ කියලයි එහෙම කලෙ ඔය තමයි කොළඹ උන්ගෙ හැටි ....

අපි වචනයක් කතා කරාද කොළඹ උන් හිනාවෙනව ...
අපිට පුරුදු විදියට අපේ බසාව කතා කරන්නත් උන්ගෙන් අවසර ගන්න ඕනෙ
උන් කොහෙන් ආපු එවුන්ද දන්නෙ නෑ ඒරොප්පෙන් වෙන්ටැ මයෙ හිතේ ...

කොළඹ කාක්කන් ගෙන් බේරිල ඉන්න
ක්‍රම සහ විධි සාස්තරේ දුන්නෙත් හිච්චි අයිය ...

අයිය වැඩකරෙ නැවතිල හිටියෙ කොම්පඤඤ වීදියෙ නිසා
හොඳට තැම්බිලයි හිටියෙ ...

මට කෙලින් හිටගන්න පුළුවන් වෙනකන් මගෙ අම්මයි සහෝදරයො දෙන්නයි සහෝදරියො දෙන්නයි තමයි පිටිපස්සෙන්ම හිටියෙ ...

මේ අතරින් හිච්චි අයියට වැඩි තැනක් ලැබුන ...
පුළු පුළුවන් හැම වෙලාවෙම හිච්චි අයියයි මායි
හුඟාක් දේවල් එකටම තමයි බැලුවෙ කරේ ...

ක්‍රිකට් තරඟ පැසි පන්දු තරඟ මලල ක්‍රීඩා
සුගතදාස එකෙ පාපන්දු තරඟ
පෙරහැරවල් චිත්‍රපටි සංගීත සංදර්ශණ විනෝද ගමන්
මේ හැමදෙයක්ම එකට ...

එක් දෙසැම්‍බර් තිස්එක් වෙනිදාවක
කොච්චිකඩේ පල්ලිය ලඟ සංගීතයක් බලන්න ගොහින්
මහ රෑ ගෙදර යන්න බස් නැතිව අපි දෙන්න පිටකොටුවෙ බස් නැවතුමේ බංකුවක් උඩ
එලිවෙනකං බුදිය ගත්‍ත ...

ජෝති අයිය රෑදොලහට වේදිකාවට නැගල

"කිරි ඉතිරේවා නව වසරේ" කියල තමයි කියුවෙ නං ....

හැබැයි අපි දෙන්න බස්නැවතුමේ බංකුව උඩ ...
ජෝති අයියනං දෙකක් දාලා හොඳට බුදියන්න ඇති  

අපි දෙන්නගෙ හොඳම කාලෙ තමයි ටැමිල් යූනියන් ...

දෙපොලක හිටියත් ...  
සති මැද පුහුණුවටත් සති අන්තෙ තරඟවලටත් ක්ලබ් එකේදි හමුවුන නිසා ...
 
ඒ දිනවලට පුහුණුව ඉවරවෙල ක්ලබ් එකේ යාළුවන් එක්ක
කතාව දාගෙන ඉඳල දෙන්නම ගෙදර යන්නෙ යක්කු ගස් යන වෙලාවට
ඒ යනකොට බස් එකෙත් පිස්සු හට්ටියයි

හිච්චි අයිය රස කර කර හරි හරි කතා කියනව
හැබැයි ඉතිං අයියගෙ අතට ටිකක් දුරින් ඉඳන් තමයි කතා අහන් ඉන්න ඕන ...

කතාවෙ රසම හරියට ආවම වචන දෙක තුනකට සැරයක්

"ඉතිං බච් දන්නවද බච්" කිය කිය ඇඟිල්ලෙන් අනිනව ඒකයි ...
 
කපාපු මුරුංග වගේ ඇඟිලි උනාට යකඩ වගේ හයියයි ඉතීං රිදෙනව ...

මට හිච්චි අයිය කියන්නෙ "බච්"

ඉස්සර හිටිය එරික් බචෝ කියල නහරයෙක් ...
ඒ නම කෙටි කරල තමයි අයිය මට බච් කියන්නෙ
ඒ පුරුද්දට ටැමිල් යූනියන් සමහර යාළුවො මට කියන්නෙත් බච් කියල

මමත් ඉස්සර අමු නහරයලු අයියල අක්‍කල තමයි එහෙම කියන්නෙ ...
අනේ මං දන්නෑ දැන්නං මට අමු නහර නෑ
ඒ ඔක්කොම දැන් වේලිල ...

හිච්චි අයියත් එක්ක ඉන්‍නකොට වෙලාව යනව දැනෙන්නෙ නෑ ...

හිච්චි අයිය හිනා සාගර හතක්
අවවාදයක්‍ දුන්‍නත් බැන්නත් ඒකත් විහිළු වෙන්මයි ...

දැන් ටිකක් අසනීපෙන් හැබැයි ඉක්මනටම කෙලින් වෙයි ...

කියනවනං හිච්චි අයිය ගැන කතා ගොඩයි
මගේ කතා මොන කතාද හිච්චි අයිය ළඟනෙ කතා තියෙන්නෙ
අහල බලාපල්ලකො හිච්‍චි අයියගෙ පරණ යාළුවන්ගෙන් ...

හිච්‍චි අයිය ගැන කියන කොට මතකයට එන
එකම එක රසවත් වර්ල්ඩ් රෙකෝර්ඩ් ක්‍රිකට් කතාවකුත් කියන්නං ...

නැතිනං ඒක විශාල අඩුවක් ...

වර්ල්ඩ් රෙකොර්ඩ් කියුවෙ
මේ මනුස්ස ලෝකේ කිසිම කෙනෙක් එහෙම දෙයක් කරල නැතිව ඇති ...

1976/1977 විතර
එංගලන්‍ත කණ්ඩායම ලංකාවට ආව මයික් බ්‍රියලිගෙ නායකත්වයෙන් ...

එතකොට අපිට ටෙස්ට් වරම් නෑ ...
දැන් ඔන්න නිළ  එම් සීසී කණ්ඩායම ගාල්ලටත් ඇවිල්ල සභාපතිගෙ කණ්ඩායමත් එක්ක තරඟෙ ...

අපි දෙන්නත්‍ දවල් වෙලා මැච් එක බලන්න යන්න කියල හිතාගෙන උදෙන්ම ගෙදර පොඩි වැඩක් පටන් ගත්ත ...

අපි දෙන්න තමයි ගෙදර පිරිමි
මට පාලහයි අයියට දහ නවයයි ...
තාත්ත නෑ ලොකු අයිය ගලේවෙල දුම්කොල සමාගමේ රස්‍සාව ...

ඉස්සර ගමේ ගෙවල් වල ඇටෑච් බාත් ටොයිලට් නෑ ...

තියෙන හතර රියනෙත් වැසිකිලියක් හදාගත්තම ඉන්නෙ කොහෙද බං ...

ඒව තියෙන්නෙ ගෙදර ප්‍රධාන ගොඩනැගිල්ලෙන් පිට
අපේ එකත් තිබුනෙ එළියෙ ...

හුළඟට අපේ වැසිකිලියෙ වහළ ගැලවිල
අපි දෙන්න පාන්දර වහළ උඩ නැගල වහළ ගහනව ...

වහළ ගහනව කිව්වට කරන්නෙ
ලී පටි ටිකක් දෙපැත්තට තියල
ඊට උඩින් ටකරං හරි දිග ඇරපු තාර බැරල් තහඩු හරි තියල
දිගට ඇන ගහනව ...

වැඩි හොඳට හුළඟට ඔරොත්තු දෙන්න ජොයින්ට්ස් උඩින් තඩි ගල් තියනව බරට

ඔය තමයි ගමේ ලාබදායී ක්‍රමේ නගරෙට නං ඕව අමුතුයි ...

දැන් වෙලාව උදේ නවයට විතර ඇති

අපි දෙන්නත් ඔන්න කලිසං කොටේ ගහගෙන
උඩු කය නිරුවතින් වහලෙ වැඩේ බාගෙට කරගෙන ඉන්නකොට
ගෝල් සීසී ග්‍රවුන්ඩ් බෝයි අපේ පීටර් අයිය
(පියසේන අයියගෙ අයිය)
දුවගෙන එනව ළතෝනි තියාගෙන

" සමරසේකර මහත්තයා සමරසේකර මහත්‍තයා " කියල කෑමොර දීගෙන ...

හිච්චි අයියත් ඉතිං වහල උඩ ඉඳගෙන
ඇයි මොකෝ පීටර් අයියෙ කියල අහපි ...

"ඇයි මොකෝ නෙවෙයි කක්කුස්සි වහලෙන් බැහැල ඉක්මනට එන්න
අන්න ඇම්සීසියෙ සුද්දොත් එක්ක මැච් එක ගහන්න ඔහෙට කතා කරනව
ඉස්පිනර් කෙනෙක් නැතිලු"

අයියත් කට ඇරගෙන බලාන ඉන්නව කොහොමෙයි විශ්වාස කරන්නෙ
පීටර් අයිය සිලෙක්ටර්යැ ...
 
ඔෆීෂියල් කෝලප් එක ග්‍රවුඩ් බෝයි පීටර් අයියගෙ කටින්  
හොඳ වෙලාවට වැසිකිලි වහලට සිග්නල් තිබුනෙ ...

දහ නවයෙ එකා මහින්දෙට ගහල ගෝල් සීසී ගහන්න ගත්ත විතරයි ...

"මක්කැයි ඔහෙ තවත් බලාන ඉන්නෙ
මගෙ අම්මාපල් බොරු නෙවෙයි ඔහෙට මක්කටෙයි මං බොරු කියන්නෙ ඉක්මනට යං
මේ බයිසිකලෙන්ම යන්න පුළුවන්"

හිච්‍චි අයියයි මායි එක පිම්මට ඉනිමග නැතිව වහලෙන් බිමට ...

මට දැනුනෙ හරියට මට මැච් ගහන්න කතා කර වගේ

සුදු කලිසමකුයි ෂර්ට් එකකුයි
පරණ පත්තර කොලේක ඔතාගෙන කිහිල්ලෙ ගහගත්තු හිච්චි අයිය
සපත්තු දෙකත් කරේ එල්ලගෙන පීටර් අයියගෙ බයිසිකලේ පොල්ලෙ
ඇම් සීසී මැච් එකට ගියා ...

මමත් ස්පොන්සර් ෂිප් හොයන ප්ලේයර් ඒජන්ට් වගෙ
බයිසිකලේ පස්සෙන් තවුසන් මීටර්ස් ...

ඔස්ටිය වගෙ ගාන කැපුවෙ නං නෑ ...

හැබැයි දවල් හිච්චි අයියගෙ කෑම එකෙන් බාගයයි
තේ වෙලාවෙදි කේක් කෑල්ලයි කිරි තේකයි බඩට දාගත්ත ...
 
ඒව ඉතිං රජ බොජුන් ඒ කාලෙ ...

එදා වැසිකිලි වහලෙ ඉඳල මයික් බ්‍රියලි එක්ක මැච් ගහන්‍න ගිය හිච්චි අයිය ගෙදර ආවෙ ...
 
ඇම් සීසීයෙ තඩි සුද්දාෙ තුන්දෙනෙක්ම ආයෙත් ඇතුලට යවල ...

හිච්චි අයියට කඩුළු තුනක් ...
Denise Amiss
Graham Barlow
Geoff Miller
(අයියගෙ මතකෙ හැටියට)

මමත් එදා ගියෙ උඩින්
සෙල්ලන්ද කොල්ලෝ කිව්වලු
ඇයි බං ඇම්සීසියෙ සුද්දො තුනක්
කක්කුස්සි වහල උඩ හිටපු අපෙ හිච්චි අයියගෙ බෝල වලට ගහගන්න බැරිව ඇතුලෙ ...
මුළු අයිස්මෝල හන්දියටම මාර ආඩම්බරයක්නනෙ බං අපෙ හිච්චි අයිය ගැන

අදත් ඒකෙ වෙනසක් නෑ ...

ඔය අවුට් වෙච්චි එවුන් තාම දන්නෙ නැතිව ඇති ...
වැසිකිලි වහල හද හද ඉඳපු එකා අරගෙන ඇවිල්ලයි
උන්ගෙ විකට් ගත්තෙ කියල ...

එහෙම දැන ගත්‍තනං සුද්දට විලි ලැජ්ජාවේ පන යයි ...

හිච්චි අයියට අවුට් වෙච්චි සුද්දො කියයි
 
ඇයි උඹ මැච් එකට ආවෙ
ගෙදර ඉඳල කියුවනං අපි උඹට ෆුල් වැසිකිලියක්ම හදල දෙනවනෙ කියල ...

ලෝකෙ වෙන කවුද බං කක්කුස්සි වහලෙ ඉඳල
පිටර් අයියගෙ බයිසිකලේ පොල්ලෙ  ගොහින් ඇම් සීසී සුද්දන්ගෙ
විකට් තුනක් ගත්තෙ අපෙ හිච්චි අයිය ඇර ...

හා පුළුවන්නං කියපල්ල බලන්න ...

ඔය තමයි මයි බ්‍රදර් ඒජේ ...

මට කලින් ලංකාවට ගහන්න තිබුනෙ හිච්චි අයිය ...
ඒ මට වඩා ගොඩාක්  හිච්චි අයිය දක්‍ෂ නිසා ...

මණ්ඩලෙන් පාස්පෝට් එක හතර පස් වතාවක්ම ඉල්ලගෙන ආයෙත් දුන්න ...
 
අඩුම ගානෙ කටුනායක පාරටවත් ගිහින් දැම්මෙ නෑ

මක් කොරන්නෙයි ඉතිං රටේ වැරැද්දක්නං නෙවි බං ඔය
රටේ  ඉන්න හිටින එවුන්ගෙ වැරැද්දක් ...

නැතිනං අපෙ හිච්චි අයියත් ලෝකප්ප්‍රසිද්ධ ක්‍රීඩකයෙක් ...

රත්තරං හිච්චි අයියේ නිදුක් නීරෝගී
සුභම සුභ උපන් දිනයක් !!!

ආවඩා ආයුබෝ වේවා !!!!

තෙරුවන් සරණයි  ෴