මං පෝසත්

81කේ මගේ පඩිය 400 යි ...
එතනින් 80ක් ටැක්ස් ...
බස් සීසන් ටිකට් එක 63 යි
බෝඩිමට 125 යි අම්මට ගමට 75 යි ...
ඒකෙනුත් තැපැල් කන්තෝරැවෙන් ගානක් කපා ගන්නව ...

ඉතිරිය මට ...

සීසන් එක වලංගු නැති තැන් වලට පයින් යනව ....

සමහර වෙලාවට පාමංකඩ ඉඳල තිඹිරිගස්යායෙ මමාගෙ ගෙදරටම ...

ඒ ඉතිං කටට රහට වේලක් කන්න ...

නැතිනම් සිසිර අයියගෙ දඬුමොනරෙ පිටිපස්සෙ එල්ලිල
යනව අැතුල් කෝට්ටෙ සිසිර අයියගෙ ගෙදර ...

හිත හොඳ මිත්‍රය අපිව දාල ගියා කලින්ම නිවනටම වෙන්න ඕන ...

පඩි දවසට නුගේගොඩ ටොප් ෆෝම් එකෙන් බුරියානි එකකට වග කියනව ...

දැනටත් ලංකාවට ගියාම එකනං අමතක කරන්නෙ නෑ ...

පහුගිය වතාවෙත් ගියා දවස් දෙකක් ධම්මික මල්ලි එක්කයි දීපාලයයි එක්ක
දීපාලයා කිවුවේ දීපාල් මදුරප්පෙරුම ...

සමහර දවසට IPB සෝමෙ අයියත් එක්ක
ජුබිලි කනුවෙන් ආප්පයි ලුණු මිරිසුයි කාල ප්ල්න්ටියකුත් බීල
පයින්ම ගෙදර යනව ....

සෝමෙ අයියට බිල මගේ පොකට් එක හිස් නිසා ...
ඒ උත්තමයත් අපි දාල ගියා ... හිත හොඳ මුනිය ...

ඒකයි උත්තමය කිව්වෙ ඔබට නිවන් සුව ...

ඒ වුනාට මං පෝසත්

මෙය 2017.02. 18 දින මුහුණුපොතෙහි තබන ලද සටහනකි.